影片
更多
2021-10-02
170 瀏覽
呢間 @simplanehk 係觀塘新開左冇耐，主打生酮健康飲食同手工水餃🥟見到佢地好多好評，所以就黎試下🤩一入到間餐廳就覺得環境好舒適，光線充足，而且好乾淨☺️坐低正正對住個大玻璃，望真啲入面有隻貓😱🐱原來佢係店主阿里🙊佢6個月大但係好大隻！好似一隻小老虎咁，但原來好乖好温純，任摸唔嬲🙈啲毛超鬆軟，勁可愛😍🔻黃姜雞扒炒椰菜花飯 $88先試左佢地嘅招牌菜 — 椰菜花飯，因為佢地係主打生酮飲食，著重低糖低碳，食落黃姜味好重，本來以為椰菜花飯係=椰菜花+飯，後來先知原來係一粒飯都冇😱成個「飯」都係由椰菜花整成，口感食落濕濕地咁，啲雞扒都煎得好脆，食完覺得好健康！🤗🔻手工餃 店主 @momodumplings 原來係個愛餃之人，但同時都好著重健康，佢會成日揾唔同嘅材料去研發唔同嘅餃子及生酮餃🧐所以佢嘅餃子係物超所值😎👍🏽食左三款餃子，首先有羽衣甘藍三文魚餃 $68，佢用嘅唔係一般餃子皮，而係千張豆皮，夠特別之餘亦都用氣炸鍋炸到好脆😛平時羽衣甘藍都有少少苦味，但係佢咁整完全食唔出苦，三文魚亦都唔會腥，容易入口之餘亦都好健康，有豐富營養🤩第二款餃係佢嘅招牌炸醬餃 $58，用嘅係普通餃子皮，一啖咬落
🔻
黃姜雞扒炒椰菜花飯 $88
先試左佢地嘅招牌菜 — 椰菜花飯，因為佢地係主打生酮飲食，著重低糖低碳，食落黃姜味好重，本來以為椰菜花飯係=椰菜花+飯，後來先知原來係一粒飯都冇😱成個「飯」都係由椰菜花整成，口感食落濕濕地咁，啲雞扒都煎得好脆，食完覺得好健康！🤗
🔻
手工餃
店主 @momodumplings 原來係個愛餃之人，但同時都好著重健康，佢會成日揾唔同嘅材料去研發唔同嘅餃子及生酮餃🧐所以佢嘅餃子係物超所值😎👍🏽
食左三款餃子，首先有羽衣甘藍三文魚餃 $68，佢用嘅唔係一般餃子皮，而係千張豆皮，夠特別之餘亦都用氣炸鍋炸到好脆😛平時羽衣甘藍都有少少苦味，但係佢咁整完全食唔出苦，三文魚亦都唔會腥，容易入口之餘亦都好健康，有豐富營養🤩
第二款餃係佢嘅招牌炸醬餃 $58，用嘅係普通餃子皮，一啖咬落去啲肉汁係個口入面咇曬出黎，食落有少少辣但都接受到😊第三款就係即將推出嘅新產品 — 腐乳通菜餃😱真係冇諗過腐乳通菜都可以用黎做餃子餡，食落有少少好似南乳嘅味道，但係一啲都唔覺得怪，仲好好味添😳
🔻
黑糖牛角窩夫配朱古力雪糕球 $58 (+$10）
最後就到甜品啦☺️試左佢嘅招牌甜品，黑糖牛角窩夫，一食落去果刻覺得真係超級無敵脆💯夾埋個朱古力雪糕球食一冷一熱咁，真係好正😍👏🏼
🔻
總括黎講佢地嘅食物都係非常健康同好味😊食得出店主嘅用心😋👍🏽佢地仲有翠玉瓜麵同好多其他款食物都好吸引，下次再encore！😆😆😆
張貼
