大滿屋日本料理 (已結業)

放題呢啲大吃大喝嘅餐廳，一向都5係小妹嘅最愛。不過有時隔耐咗，就會心郁郁想食餐勁嘅！ 放題餐廳一向5係開係銅鑼灣就係旺角，男朋友仔今次竟然好醒咁話帶我係觀塘食放題！仲要就係apm旁，非常方便呢！有別於多數嘅放題，大滿屋嘅裝修又新又闊落。兩個人食都會安排卡位，坐得好舒服呀！ 一嚟梗係食刺身先啦！刺身款式好多，帶子三文魚甜蝦油甘魚等應有盡有。刺身塊塊厚切，而且新鮮鮮甜！季節限定嘅黑烏貝刺身好特別，口感爽身，很小見嘅選擇。前菜沙律見到有泰式生蝦，一客有兩隻，上嘅時候沾咗泰式辣汁，蝦身算彈牙。叫了一人一件燒羊架，啖啖肉。燒得幾有火喉同均勻，5會好乾，咬落有肉汁同小小油香，羊嘅味道帶小小so，香口好食。放題又點小得串燒！雞軟骨爽口焦香。天婦羅炸得金黃色，粉漿均勻而不厚，蝦肉彈牙，食到蝦嘅原味又不失香口。又係一樣小見嘅食物，三文魚頭。一客有大概半個魚頭，魚皮燒得香脆，三文魚味甘香，帶有點骨膠元嘅感覺，值得推介。 海皇翅當然就無真翅食啦，但食落似碗仔翅，有好多料。有我最中意嘅竹笙同茹，食咗咁多熱氣野，中和下就最好不過。炸物有好多款式，我地食咗芝士年糕，一口芝士同紫薯波。熱辣辣炸好，推介一口芝士