影片
更多
2024-01-24
26 瀏覽
之前同友人提起日本北海道嘅湯咖喱 佢就話俾我知佢公司樓下有間食湯咖喱嘅專門店 所以呢晚就嚟咗食啦😹吉列鱈魚柳湯咖哩嚟得呢度就當然一定要試吓佢嘅湯咖喱啦😙 店家標示湯底係自家熬製同埋入面有10款時令蔬菜 我跟住餐紙上面嘅建議食法 先飲咗一啖湯✌🏻 咖喱味偏甜 雖然叫咗小辣 但係辣度都比較輕微 蔬菜方面有西蘭花 南瓜 紅椒 甘筍 秋葵 粟米芯 番茄仔 雞髀菇 翠玉瓜同薯仔 非常豐富😎 鱈魚柳都炸得幾脆口 唔會太油香煎帶子沙茶湯烏龍麵除咗湯咖喱 呢度都有其他湯底嘅烏龍麵🍜 我就揀咗沙茶湯 湯底濃郁 帶子有三大粒 烏龍麵口感彈牙 特別鍾意湯底加咗粟米 成件事日式咗好多😉燒鳥套餐A呢個set只需要$100 就食到六串串燒🍢 包括日本岩手雞肉串 生開邊雞中翼串 酢橘雞膝脆骨串 雞髀菇串 翠玉瓜同秋葵 呢個即叫即製 所以食落好香脆🐥 我就特別鍾意佢嘅雞肉串 肉質軟腍 仲好juicy 小食我哋叫咗芝士年糕同魷魚卷 芝士年糕口感軟糯🧀 魷魚卷食落有少少似魚蛋包住腍嘅魷魚條 飲品叫咗綠茶同Suntory生啤酒 綠茶係無糖嘅 跟湯咖喱加配 仲連埋前菜🍵 生啤就係串燒盛盒附送嘅 啤酒加串燒真係絕配啊🍺而家餐廳
之前同友人提起日本北海道嘅湯咖喱 佢就話俾我知佢公司樓下有間食湯咖喱嘅專門店 所以呢晚就嚟咗食啦😹
吉列鱈魚柳湯咖哩
嚟得呢度就當然一定要試吓佢嘅湯咖喱啦😙 店家標示湯底係自家熬製同埋入面有10款時令蔬菜 我跟住餐紙上面嘅建議食法 先飲咗一啖湯✌🏻 咖喱味偏甜 雖然叫咗小辣 但係辣度都比較輕微 蔬菜方面有西蘭花 南瓜 紅椒 甘筍 秋葵 粟米芯 番茄仔 雞髀菇 翠玉瓜同薯仔 非常豐富😎 鱈魚柳都炸得幾脆口 唔會太油
香煎帶子沙茶湯烏龍麵
除咗湯咖喱 呢度都有其他湯底嘅烏龍麵🍜 我就揀咗沙茶湯 湯底濃郁 帶子有三大粒 烏龍麵口感彈牙 特別鍾意湯底加咗粟米 成件事日式咗好多😉
燒鳥套餐A
呢個set只需要$100 就食到六串串燒🍢 包括日本岩手雞肉串 生開邊雞中翼串 酢橘雞膝脆骨串 雞髀菇串 翠玉瓜同秋葵 呢個即叫即製 所以食落好香脆🐥 我就特別鍾意佢嘅雞肉串 肉質軟腍 仲好juicy
小食
我哋叫咗芝士年糕同魷魚卷 芝士年糕口感軟糯🧀 魷魚卷食落有少少似魚蛋包住腍嘅魷魚條
飲品
叫咗綠茶同Suntory生啤酒 綠茶係無糖嘅 跟湯咖喱加配 仲連埋前菜🍵 生啤就係串燒盛盒附送嘅 啤酒加串燒真係絕配啊🍺
而家餐廳仲做緊生啤買一送一優惠 同朋友放工之後過嚟小酌一下就啱晒啦😌
張貼
