哥哥添飯•妹妹泡茶 (已結業)

之前聽過喺觀塘返工嘅友人幾推薦呢間台式餐廳🍴 呢晚就過咗嚟試試 餐廳走清新文青風格 以白色同木系為主 俾人幾舒服嘅感覺🥰特級牛三寶麵食台灣野點可以唔叫個牛肉麵試吓 呢個牛三寶麵有牛腱 牛筋 牛舌 每款都有至少兩件😮 真係好足料 最令人驚喜就係佢有牛舌 仲要係厚嗰隻 咬落口感夠軟熟 真係好吸引 麵條係扁麵 都幾有咬口😉蜜糖芥末蛋黃醬炸雞呢碟真係幾特別 用台式鹽酥雞嗰種炸雞 配上韓式炸雞常見嘅蜜糖芥末蛋黃醬🐥 餐廳仲提供埋手套 似乎真係可以用韓式炸雞嘅食法 成件事夠晒fusion 個蜜糖芥末蛋黃醬配炸雞又好食 配肉燥飯都唔錯 呢個餐跟嘅肉燥飯都有幾大粒肉粒 唔會太多肥肉 口感比較實在😎小食及甜品上面兩個套餐都會包埋三款小食同brownie 呢日嘅小食都幾啱胃口 特別驚喜嘅係苦瓜 味道有少少甜 唔會太苦 幾易入口 連平日唔食苦瓜嘅我都清晒🤪乳酪芝芝荳花鮮芒呢杯係芒果沙冰底 再配豆腐花喺下面☺️ 未到層次都夠晒 加上面頭有乳酪芝士味嘅奶蓋 真係令呢杯飲品更有風味鮮手工製芋圓奶茶入面除咗有芋圓 仲有紫薯同埋地瓜圓🧋 咁唔算太硬 我就最鍾意係芋圓喇 奶茶仲可以揀甜度 可以任君配搭呢間台灣餐廳都幾有質