影片
更多
2022-08-18
94 瀏覽
自從上次試完可以自助串燒之後一直念念不忘，估唔到最近朋友又推薦我另外一間觀塘嘅串串燒，佢仲讚不絕口，叫我一定要試食咁話喎。無問題，收工即刻安排👍🏻位置一啲都唔難搵，喺觀塘嘅駱駝漆中心入邊，以工廈來講位置同環境都十分理想。同電梯都有幾台人一齊入呢間食肆，睇嚟真係好吸引喎。一入到去，店員已經好快手咁幫我哋安排咗座位，店內大部份都係卡位，坐六個人都唔成問題，我同朋友兩個人去簡直好似有貴賓嘅感覺😂今次嘅自助串燒係可以自行拎食物，串燒區域廿幾三十種不在話下，但驚訝嘅係佢嘅熟食竟然都有十幾廿種，仲要唔係普通嘅熱葷，而係有軟殼蟹漢堡、煙三文魚牛角包、豉椒炒蜆、蒜蓉焗蠔、炸雞塊，搞到我錯晒重點咁食咗好多熱葷，但真係好好食😂😂返嚟重點，串燒一般嚟講都係豬牛羊雞丸，然後有d菜有少少海鮮咁。但係，呢間店舖係有少少海鮮放題嘅feeling (!!!)，因為可以任食聖子、帶子、蝦、蜆、青口、蠔、墨魚仔、多春魚，唔使加錢就任食曬呢啲海鮮，淨係食海鮮都值回票價啦🤩🤩 (話時話我都食咗好多炒蜆同焗蠔，真係超值👍🏻👍🏻👍🏻) 。加上佢嘅牛肉粒都非常之大件同好味 (今次正常串燒食少咗🤣)，味道同性價比加埋簡直有一百二十分
位置一啲都唔難搵，喺觀塘嘅駱駝漆中心入邊，以工廈來講位置同環境都十分理想。同電梯都有幾台人一齊入呢間食肆，睇嚟真係好吸引喎。
一入到去，店員已經好快手咁幫我哋安排咗座位，店內大部份都係卡位，坐六個人都唔成問題，我同朋友兩個人去簡直好似有貴賓嘅感覺😂
今次嘅自助串燒係可以自行拎食物，串燒區域廿幾三十種不在話下，但驚訝嘅係佢嘅熟食竟然都有十幾廿種，仲要唔係普通嘅熱葷，而係有軟殼蟹漢堡、煙三文魚牛角包、豉椒炒蜆、蒜蓉焗蠔、炸雞塊，搞到我錯晒重點咁食咗好多熱葷，但真係好好食😂😂
返嚟重點，串燒一般嚟講都係豬牛羊雞丸，然後有d菜有少少海鮮咁。但係，呢間店舖係有少少海鮮放題嘅feeling (!!!)，因為可以任食聖子、帶子、蝦、蜆、青口、蠔、墨魚仔、多春魚，唔使加錢就任食曬呢啲海鮮，淨係食海鮮都值回票價啦🤩🤩 (話時話我都食咗好多炒蜆同焗蠔，真係超值👍🏻👍🏻👍🏻) 。加上佢嘅牛肉粒都非常之大件同好味 (今次正常串燒食少咗🤣)，味道同性價比加埋簡直有一百二十分呀🔝
然後呢個餐廳都有幾點非常驚艷到我。其一，每張枱都有幾樽調味料，但係自助區仲有過十幾種嘅調味料(唔Hea，竟然有老x媽同Toxxcco)，仲要提供埋蜜糖同刷子，呢啲咪貼心囉💛。其二，竟然有嘉x伯既無酒精啤酒提供，下火之餘又唔使飲到醉醉地，啱晒我哋女士啦👩🏻。其三，每個人都有一隻燒烤夾，完全唔使爭唔使排隊燒嘢食(食過其他燒烤店每台得一兩隻)，大家都可以燒得好開心，讚啦💯。
真心呢間餐廳一定可以食得返本，食物種類一定多過同類型嘅餐廳，仲要坐得舒服，又有兩個鐘俾你慢慢燒，個爐又可以好夠火力唔駛等好耐就有得食。真心呢間一定要大力推薦啊😎😎
張貼
