更多
2025-02-17
667 瀏覽
🔸酸菜烤凌波魚 $238🔸囂張冰桔桶 $78🔸黃金組合 $56🔸土豆泥烤雞 $88🔸五常米飯 $18-我最鍾意食烤魚呢啲濃味嘢,見APM開咗間探魚,難得今日老公肯陪我食,真係好開心呀!因為酸菜烤凌波魚做緊特價所以就叫佢。當職員試條魚過泥個陣大碟到有d嚇親🤣 凌波魚都幾多肉,魚味都幾出,魚骨唔算多而且都係粗身唔係細骨,唔會好易吞骨。再叫左個蔬菜拼盤(黃金組合),有好幾款菜:白菜、金菇、白蘿蔔、薯仔片,索晒湯汁超好味!再叫左份烤雞,表面脆脆地、肉質唔會柴。老公話d汁同d酸菜好岩送飯食,所以叫左一碗。另外我地見佢冰桔桶幾過癮,就叫左桶試試,佢唔太甜、酸酸微微,開胃又解膩。
張貼