登堂 (已結業)

呢間係觀塘好出名，好多好評，咁啱今日約朋友觀塘食飯，就決定來呢間試下。果然係人氣餐廳，星期四夜晚過去都人山人海，睇呢個真像都覺得應該好味。法國煙鱔沙律🥗呢個作為前菜都幾出色，青蘋果酸酸甜甜好開胃，鱔肉彈牙，食落一啲都唔聲，冇諗過呢個Combination都幾好味。炭烤雞中翼配泰式羅望子汁🐔雞翼烤到好脆身，食落熱辣辣幾juicy，配埋酸酸辣辣既羅望子汁，出奇地夾～炭烤阿根廷草飼安格斯肉眼牛排🥩 我地叫左5成熟，呢個程度剛剛好！食落牛味好足，而且唔會好鞋好難咬，但係稍嫌塊扒薄左少少，如果厚身返少少就會食得開心啲。鮮魷魚芝士忌廉汁手造闊條麵🍝隻碟好大，但係份量就好細😅。味道不過不失，但係就噏唔出有乜特別。串燒拼盤🍢呢個雖然有啲貴，但係就好大盆，打卡一流。食物方面就各樣野都燒得不錯，每一樣都熱辣辣，但係個人覺得有油左啲，如果乾身返少少就好啦！總括來講，呢間餐廳食物每一樣都做得不錯，但係份量偏小，價錢偏貴，感覺上唔係好值呢個價錢🤔我哋四個人去，買單都要每人四百幾💸。去食一次係OK嘅，但係應該就唔會再回頭啦！