CHiLL-i (已結業)

平時喺觀塘返工都會去開駱駝漆大廈搵食，今次竟然發現當中開咗一間新嘅西餐廳，店面雖然唔係好大，但假日三點泥到已經滿座，門口等咗一陣終於有位。我哋要咗兩個午市套餐，分別係三文魚墨魚汁麵同蒜香橄欖油炒蜆扁意粉，套餐都會有主食、加$30會有餐湯、兩款日式小食同甜品。餐廳上菜有驚喜，擺設得好靚，好日系。大家食墨魚汁麵時要小心嘴唇因為佢用新鮮墨魚汁整成所以食落去個嘴會染上黑色，三文魚大大嚿煎得香脆。餐湯係南瓜湯，飲得出係真材實料，好有南瓜香，夠鮮甜。兩款小食都好好食分別係薯餅同玉子燒，味道香口，擺款好有心思。最後到食個甜品都好有驚喜，係豆腐芝士蛋糕豆腐夠清香能一解芝士嘅油膩感。飲品我哋叫咗朱古力咖啡同梳打兩款都好靚好打卡。啱晒情侶同閨蜜hightea嘅好去處。