去到發現原來都有少量座位堂食,不過網上訂可以直送到屋企就更加方便。糖水燉品都已經好多配搭, 有燕窩、雪燕、花膠、桃膠、雪蛤膏等, 只要安坐家中就可以食呢D 糖水燉品, 真係慳時間慳功夫, 重點係自己未必識煮, 而除咗糖水外, 佢仲有燉湯、麻辣小食等, 咸甜都有, 真係總有一款啱你心水。
入到去花多眼亂, 燉品糖水燉湯花膠樣樣都有, 仲有不同配搭, 選擇困難症會立即發作, 最終因屋企人既喜好揀咗呢D。
好鍾意佢地D 糖水唔係太甜啱晒我, 而且仲好細心有紙仔介紹番養生小知識及加熱方法，包保唔會搞錯🫶🏻
🥢蜂蜜3.6牛奶木瓜燉雪燕- 蜂蜜甜蜜滋潤, 木瓜清甜, 而且雪燕可以增強免疫力，啱晒而家食。
🥢3.6牛奶紅棗杞子燉雪燕- 3.6牛奶香濃美味, 配上紅棗香, 清甜好味, 媽媽都表示好喜歡
🥢招牌椰汁燉桃膠- 好多桃膠, 配上椰汁好清甜
🥢滑蛋奶凍椰汁雪燕- 椰汁香濃, 配上滑滑奶凍及燉蛋, 好味~
🥢鮮燉花膠奶凍 - 平時花膠燉鮮奶就飲得多，但配奶凍就第一次試，估唔到都好夾，奶凍香滑，配彈牙花膠，養顏一流。
🥢蒜香花膠- 平時屋企都係用花膠黎煲湯, 見到呢個即食咁方便就又買埋黎試吓, 原本以為只係薄身花膠, 但開咗先知原來都幾厚身, 食落啖啖肉好有口感, 而且蒜蓉好惹味, 好味又富骨膠原，正😋
