Deer Kitchen (已搬遷) 新店位置

喺觀塘做完嘢，梗係要同同事食埋飯先會走啦，同事話佢之前同佢老公試咗一間唔錯嘅意大利餐廳，問我有冇興趣試吓，我對美食一向都最有興趣，所以收工就一齊過去。餐廳位於巧明街，我哋響地鐵站行落去，唔算好遠，幾分鐘就到，地點都算方便。餐廳裝修行型格風格，果然係一個港女好打卡嘅地方。餐牌選擇唔算好多，不過平時叫開嘅菜式都會有餐包超香麵包味，仲要熱辣辣上枱，點買橄欖油同黑醋，好味到不得了棒棒雞沙律($88)棒棒雞超級嫩滑夠味，一咬落去超juicy!沙律中間配上左一啲炸脆左嘅面，咬落去脆卜卜，口感好得意。而醬汁係黑醋加雞汁混和，有少少醋味得來唔會太酸，連朋友唔鍾意食黑醋都食晒。四重芝士番茄薄餅($128)薄餅底沿用一貫意大利薄餅嘅薄底，中間夾雜厚厚嘅蕃茄焗到軟林林，配上四隻唔同嘅芝士，芝士味濃郁得來又好香番茄味，配上脆卜卜嘅餅底， 10分惹味。焗金文畢芝士釀海鮮三文魚扒（$248）三文魚扒超級厚，難得嘅係一啲都唔鞋，而且入面仲係半生熟，十分鮮嫩juicy。