i kitchen (已結業)

今日去左觀塘apm行街，之後就搵下附近有咩好食。上網見到有一間唔錯既西餐廳 - “i kitchen”，就決定去試下先。餐廳位於觀塘apm附近，步行大概3分鐘，都算方便。餐廳地方唔算大，裝修企理，幾有氣氛。-南瓜忌廉湯😋南瓜味重，真材實料，唔會話好淡味，加左忌廉個南瓜湯更加滑，湯本身唔算好厚身，如果太厚太杰會令到個肚無位食主菜。有餅乾一齊食又會多一個食法。-澳洲穀飼牛肉眼配松露燒汁😋主菜叫左澳洲肉眼扒，首先賣相非常吸引，擺碟好有心思，配菜下面既醬汁都好好食。牛扒要左5成熟，廚師處理得啱啱好，肉眼扒既脂肪煎完更加香口。松露燒汁味道非常濃郁，絕對係一試難忘。-特飲😋是日特飲係芒果茶，我起初以為係芒果味茶包熱茶，點知係芒果冰茶，偏甜，但係味道可以既。******************************😋好食 | 😐可以 | 🥵 難食評分 : 6.5/10簡評 : 睇得出廚師係有心機去煮，唔錯既本地西餐廳。