六両三.台灣食堂 (已結業)

好耐之前已經聽過「六両三」呢個大名，不但未有機會試。之前一直都係尖沙咀，而家開咗觀塘分店。近近地，走咗上去食🥳$75 紅燒牛肉麵台灣牛肉麵嚟講，牛嘅厚度相對比較薄。有失望，因為少咗預期應有嘅口感！湯底方面，店舖老闆強調「六両三」嘅台灣牛肉麵湯底係「沒有味精的堅持」我絕對相信係冇落味精，首先個湯一啲都唔好話好濃味，有啲似家庭式嘅味道。其次，我覺得個湯好味，所以幾乎飲晒成個湯🤤🤣但飲完唔會有種好頸渴嘅感覺！正呀👍🏻而個麵質係唔錯，浸咗好耐都仲有咬口，唔好𣺉晒$80 紅燒牛筋麵湯底同麵質同紅燒牛肉麵一樣，唔重複再講。要講一講佢嘅牛筋，有啲一鐘意食好𣺉嘅牛筋，而我就鐘意相對較硬而家咬口嘅牛筋。所以呢碗牛筋係啱晒我口味！$38 麻辣鴨血本身好期待呢個鴨血。不過希望愈大，失望愈大。因為完全唔辣唔麻😪鴨血本身未算好滑，又冇乜中藥材味道$10甜不辣我自己之前一直食開嘅甜不甜都係炸嘅，今次係第一次食非炸甜不辣。又幾好食，上面會淋咗少少酸酸甜甜嘅醬汁，好開胃。而且本身煙韌，唔錯唔錯👍🏻地方闊落，坐得舒服！不過樓面人手不足，見到店員都好忙碌冇停過手，但都仲好好禮貌👏🏻