龍鳳號 (已結業)

觀塘區而家好多嘢食，尤其是都台式嘅鋪頭都唔少，咁今次到咗龍鳳號呢度食，夜晚8半嚟到都算幾多人。餐廳風格懷舊，坐位係木枱木櫈。澎湖花枝蝦餅，明顯係新鮮炸起，上檯時仲熱辣辣。外層炸得好鬆脆，裡面食到粒粒嘅花枝同埋蝦肉，爽口彈牙。惹味肉燥拌板條，雖然呢度肉燥飯都好出名，但友人嗰日唔想食飯，所以折衷要咗個板條，點知原來配板條一樣惹味好食㗎。個鹽酥菇同埋豬肉都好食，我哋最後仲叫咗兩份糖水，真係眼闊肚窄，食到好飽！埋單先知，晚市八點後糖水仲有八折添！