影片
更多
2016-02-02
525 瀏覽
觀塘工廈既樓上食肆愈開愈多，實在係觀塘友之福。經朋友介紹，今晚就黎到巧明街一幢工廈入面搵食。一打開lift門，就已經聽到好熱鬧既聲音。周一既晚上，估唔到都有幾多客人，佢地自携紅酒 (呢度歡迎客人自携酒類，不另收開瓶費)開懷暢飲，成間餐廳既氣氛都好熾熱。叫左兩份Set Dinner，第一份前菜係「北海道甘蝦伴蘆薈沙律」，甘蝦好大隻，夠鮮甜，都幾黏口，旁邊有粒粒蘆薈，甜甜地，同甘蝦既味道好夾，而且有益健康。另一款前菜「燒有機紅菜頭伴羊奶芝士，北海道帆立貝、檸檬泡沫」，因為羊係我既大忌，所以Sorry我無食，你地自己睇相判斷好無味。加$20要了「黑魚籽鮮蝦忌廉蛋」，面層的忌廉有奶香，夠香滑；魚籽咬落卜卜脆，有鮮味；雞蛋入面係未煮熟既蛋黃，我既至愛，shu一聲吸左落肚，好味夠香濃。餐湯有「牛肝菌榛子茸湯」(上)同「廚師餐湯」(今日係南瓜湯，下)，前者鹹後者甜，各有特色，兩款都creamy但唔會好漏。我個人會鍾意牛肝菌榛子茸湯多D，菇味突出，而且有粒粒榛子碎，有口感。主菜「焗原隻波士頓龍蝦，配牛油松露醬」($258)，龍蝦啖啖肉，肉質紮實，有鮮味，連個蝦鉗都好多肉，抵食！「威靈頓紐西蘭牛柳」($
一打開lift門，就已經聽到好熱鬧既聲音。周一既晚上，估唔到都有幾多客人，佢地自携紅酒 (呢度歡迎客人自携酒類，不另收開瓶費)開懷暢飲，成間餐廳既氣氛都好熾熱。
叫左兩份Set Dinner，第一份前菜係「北海道甘蝦伴蘆薈沙律」，甘蝦好大隻，夠鮮甜，都幾黏口，旁邊有粒粒蘆薈，甜甜地，同甘蝦既味道好夾，而且有益健康。
另一款前菜「燒有機紅菜頭伴羊奶芝士，北海道帆立貝、檸檬泡沫」，因為羊係我既大忌，所以Sorry我無食，你地自己睇相判斷好無味。
加$20要了「黑魚籽鮮蝦忌廉蛋」，面層的忌廉有奶香，夠香滑；魚籽咬落卜卜脆，有鮮味；雞蛋入面係未煮熟既蛋黃，我既至愛，shu一聲吸左落肚，好味夠香濃。
餐湯有「牛肝菌榛子茸湯」(上)同「廚師餐湯」(今日係南瓜湯，下)，前者鹹後者甜，各有特色，兩款都creamy但唔會好漏。我個人會鍾意牛肝菌榛子茸湯多D，菇味突出，而且有粒粒榛子碎，有口感。
主菜「焗原隻波士頓龍蝦，配牛油松露醬」($258)，龍蝦啖啖肉，肉質紮實，有鮮味，連個蝦鉗都好多肉，抵食！
「威靈頓紐西蘭牛柳」($258)，所謂「威靈頓」既製法，就係將牛柳包上酥皮同巴馬火腿，令牛扒食起上黎更濃香惹味，有多重口感。K2 Kitchen做既威靈頓牛柳唔錯，酥皮香脆，入面係：牛扒>巴馬火腿>薯蓉>牛扒，夠晒豐富。牛柳五成煮，廚師既火候控制得好，牛柳煮得非常嫰，好味。
最後係甜品，一上枱，靚到我「嘩」一聲。廚師將隻碟畫到成幅畫咁靚，有心思，無得彈！甜品係小蛋糕，今日分別係斑蘭同紅豆忌廉蛋糕，忌廉做得香滑，細細既一件，好快就KO埋！張貼
