登堂 (已結業)

估唔到觀塘區會有一間咁靚嘅餐廳睇得出佢花咗唔少錢係裝修方面而且侍應嘅服務質素亦都非常之好我哋去到嘅時候唔知食咩佢好細心解釋個Menu俾我聽至於食物方面一，鮮魷魚意大利粉首先講下面質，係軟硬適中，而且好有口感魷魚方面亦都非常之新鮮咬落去係彈牙而唔係林身的佢上面再配左忌廉汁，惹味得黎又唔會覺得好油膩二，12小時低溫慢煮烤乳豬件由於佢係用12小時低溫慢煮，所以肉質非常之嫩口，而且肉入面都好入味，外面嘅乳豬皮亦都烤得剛剛好三，原隻龍蝦香味蒜片墨汁闊條麵闊條麵係人手做的，所以口感不錯，再配合埋墨汁，甜甜地幾香，有少許既蒜味，而且龍蝦係原隻上，呢個價錢性價比確係高，而且好新鮮，食落去都仲係彈牙，相信係新鮮龍蝦🦞4，最後嘢飲我叫咗一杯竹炭芝士冷泡茶佢係用咗一晚嘅時間黎冷泡，而唔係坊間有啲餐廳會用熱水沖茶葉再雪凍佢，所以會有茶香味同埋苦澀味，如果想芝士濃啲嘅話就可以唔用飲筒飲，不過整體上都係比較偏淡味，如果想飲茶香多啲嘅話呢個可以試吓，因為佢係不加糖的。