影片
更多
2023-06-02
1387 瀏覽
夏日熱辣辣真係唔想食熱野🌞食返個壽司丼飯就差唔多～呢間係觀塘工業大廈樓上舖，專賣多款刺身丼飯，多數做外賣但亦有堂食位▶️ 北海帆立海老丼 ($168)有帆立貝、牡丹蝦、赤蝦、甜蝦、三文魚籽、蟹籽，啱晒鍾意食蝦人士☺️每碗有一嚿印有店名嘅玉子蛋，玉子蛋厚身一層層，食落水潤重蛋味🥚甜味自然帆立貝有三粒，每粒切半反開形成薄片，炙燒過所以面頭黑黑哋🔥肉質鮮嫩，味道鮮甜帶啲煙燻味唔知點解好似食到兩款蝦？兩個食落都好黏身(slimy)， 同平時食開嘅蝦非常之唔同，口感偏細綿，比起帆立貝更鮮甜🦐蝦頭仲有蝦膏，帶少少腥味但唔臭，證明好新鮮三文魚籽雖然唔多，但每粒入口即爆汁好似爆珠咁，充滿三文魚油香味，可以補充omega-3，勁過營養補充品😂蟹籽細細粒，令壽司飯食落冇咁寡壽司飯暖暖地感覺唔生冷，加咗少許壽司醋🍚用上日本產米所以飯質黏身又有咬口上面仲有青檸，酸酸地帶啲清新味道又可以去腥味另外可以自己落豉油，呢度啲豉油比較稀，味道偏淡，所以落多啲都唔驚試咗少少Wasabi，超攻鼻但幾爽😌▶️ 漁吉特選丼 ($188)如果大家有選擇困難症，可以叫呢個大部份刺身都有：三文魚、油甘魚、櫻花魷魚、赤蝦、左口魚、帆立貝、三
呢間係觀塘工業大廈樓上舖，專賣多款刺身丼飯，多數做外賣但亦有堂食位
▶️ 北海帆立海老丼 ($168)
有帆立貝、牡丹蝦、赤蝦、甜蝦、三文魚籽、蟹籽，啱晒鍾意食蝦人士☺️
每碗有一嚿印有店名嘅玉子蛋，玉子蛋厚身一層層，食落水潤重蛋味🥚甜味自然
帆立貝有三粒，每粒切半反開形成薄片，炙燒過所以面頭黑黑哋🔥肉質鮮嫩，味道鮮甜帶啲煙燻味
唔知點解好似食到兩款蝦？
兩個食落都好黏身(slimy)， 同平時食開嘅蝦非常之唔同，口感偏細綿，比起帆立貝更鮮甜🦐蝦頭仲有蝦膏，帶少少腥味但唔臭，證明好新鮮
三文魚籽雖然唔多，但每粒入口即爆汁好似爆珠咁，充滿三文魚油香味，可以補充omega-3，勁過營養補充品😂
蟹籽細細粒，令壽司飯食落冇咁寡
壽司飯暖暖地感覺唔生冷，加咗少許壽司醋🍚用上日本產米所以飯質黏身又有咬口
上面仲有青檸，酸酸地帶啲清新味道又可以去腥味
另外可以自己落豉油，呢度啲豉油比較稀，味道偏淡，所以落多啲都唔驚
試咗少少Wasabi，超攻鼻但幾爽😌
北海帆立海老丼
$168
43 瀏覽
1 讚好
0 留言
▶️ 漁吉特選丼 ($188)
如果大家有選擇困難症，可以叫呢個
大部份刺身都有：三文魚、油甘魚、櫻花魷魚、赤蝦、左口魚、帆立貝、三文魚籽、玉子蛋 (今日冇晒鮑魚同海膽，所以廚房換咗另一啲刺身俾我哋)，相當豐富😍
朋友話全部刺身都好新鮮，魚類刺身整體唔錯，只係間唔時有啲位會硬啲
而佢最鍾意係玉子蛋haha
-
全部丼飯用料新鮮，材料豐富，感覺好耐冇食過一啲靚少少嘅刺身飯🙈
入邊座位唔算多，但坐得舒服😌用上木枱木凳日式家庭風裝修，好有住家feel
茶水自助，唔收加一，食完自己收盤
無意間留意到佢哋有同重光弁当合作，所以唔食魚生可以叫佢哋嘅日式便當，好啱返Office嘅人買外賣
刺身飯價錢比較貴，但對得住呢個質素同份量👍🏻
去唔到日本但想食靚刺身飯可以嚟呢度止癮🤣
張貼
