登堂 (已結業)

兩公婆趁星期六又出動揾食，今次老公話睇到介紹，得知觀塘開左functional餐廳，我問佢點解，佢賣關子話我去到就知喎！ 地點係 The Wave商場2/F, 佔用全層空間，每區域都好特別好豪華，尤其是好多 private room 可按人數去包房，有儲酒櫃讓客人選心頭美酒添。要讚每個侍應都好有禮貌。menu做得好特別似報紙咁 list食物種類同價錢。mojito 外貌靚又好飲好耐無食焗田螺，今晚食要食，薯蓉係田螺底下。當焗時就可以比薯蓉吸收田螺嘅香味添，田螺肉好難形容鐘意嘅就鐘意，因為唔係個個都喜愛嘅。海膽手撕蟹肉忌廉寬條麵寬條麵自家製，口感實在有彈性，忌廉配搭得而，海膽鮮味又 creamy, 反而食時小心有碎蟹學，整體不錯！ 至尊意大利薄餅 11吋 topic 都幾多又足料，pizza底係薄脆嘅餅底，拉絲芝士鋪得滿瀉，夠晒香濃西班牙黑毛火腿大蝦橄欖還有沙娜美，yummy~~忍唔住要埋個焗萍菓批配自製雲尼拿雪糕，製作需時，萍菓批即叫即製，上枱還熱的一冷一熱同食好正，酥皮做得鬆化，萍菓肉同提子乾都焗得軟淋淋，真係無揀錯，完美嘅配搭！