真味鮮廚 (已結業)

以前係附近返工，隔唔中都會黎真味鮮廚飲茶，估唔到而家晚市做埋放題，都有一段時間無同媽咪打邊爐，今日就帶佢黎食下火鍋放題。坐底無耐就先上刺身拼盤，刺身種類都好多，有鮑魚、三文魚、吞拿魚、帶子、八爪魚、帆立貝、希靈魚等，整體都新鮮。然後就係重慶雞鍋，雞肉嫩滑，食落小辣。食哂D雞後就可以叫職員上火鍋湯底，共有5款口味既湯底，我地諗住清清地就簡左豆腐清湯鍋。隨之而來就係海鮮拼盤，每人有半隻龍蝦、蟶子、海蝦、蜆、 扇貝、螺、白鱔、龍躉等非常豐富。龍蝦肉非常飽滿，食落新鮮啖啖肉。特級安格斯肥牛，肉質嫩滑，牛道濃郁。配料方面都好多選擇，我地叫左芋頭、蘿蔔、雲耳、響鈴、魚皮餃、水餃、芝士腸、蘿蔔、生菜等，水餃大大隻，餡非常多，芋頭非常之粉，響鈴新鮮炸好香。最後飲品都多選擇，除左罐裝外，仲有啤酒同自家制既飲料。整體職員都有禮，食物款式多，兩個人坐卡位都舒服。