聰嫂私房甜品 (已結業)

與友人在灣仔晚飯後想食糖水，傾下計。想起聰嫂龍眼冰，立刻去食！門口有十幾個人排隊，等左大約10分鐘進去坐最入門位置。灣仔店比銅鑼灣店闊落少少，樓底亦高，客人多，都係難免有啲嘈，但氣氛熱鬧不礙友人分享外遊興致。最想食！龍眼冰！兩個字講嗮「清甜」！啖啖淡淡龍眼味，龍眼肉容入冰中，滿足！榴蓮冰，自然比龍眼冰濃烈。榴蓮味沙冰蓋上厚厚榴蓮肉，耙點冰加點榴蓮，一小口剛剛好，又不太凍，濃香但唔漏！楊枝甘露豆腐花係即興食，正正常常，芒果不酸，料頭都足既。聰嫂大部分甜品都性價比算高，龍眼冰之類$38算是店中貴品，真材實料還不錯。三個甜品，買單$113，還送左$10 coupon;坐了大半個小時與友人盡興回家。