影片
更多
2020-11-05
72 瀏覽
見親啲餐廳話係食多國菜好多野都會打個突，原因係價錢通常都好貴，又食唔飽肚。但今日要介紹呢間「王子廚房」又平又好食！今次我地食lunch，價錢同一般去茶記食一樣，但質素、份量絕對唔輸蝕！叫餐送是日餐湯，就咁睇以為無普通豬骨湯，但飲落原來加左香草，而且點到即止，第一次咁飲，但係勁match！Chicken Quesadilla：勁大份，外皮好脆，入面雞肉、洋蔥等等都足料，配上sour cream一流！不過我覺得可以再切細塊啲，因為一拎起身或者咬落去啲料就跌晒出黎，好狼狽。fish curry with paratha：鬆餅極高汁，類似手抓餅咁好鬆軟，而且牛油味好重，就算無curry就咁食都好好味。魚柳好軟身，配上甜甜地既咖喱非常match，呢道菜非常推廌！雞肉闊條面：好重cream味，雞肉亦好出色，煎到好出雞肉味，唔係講笑咁講咩雞有雞味魚有魚味，而係佢真係調味到啲雞既味道出晒黎，合埋眼都食得出，勁正！菠蘿椰子沙冰：好fresh，入面有一粒粒碎冰，椰味重但亦唔會過甜好似飲syrup咁，正呀！
見親啲餐廳話係食多國菜好多野都會打個突，原因係價錢通常都好貴，又食唔飽肚。但今日要介紹呢間「王子廚房」又平又好食！
今次我地食lunch，價錢同一般去茶記食一樣，但質素、份量絕對唔輸蝕！
叫餐送是日餐湯，就咁睇以為無普通豬骨湯，但飲落原來加左香草，而且點到即止，第一次咁飲，但係勁match！
Chicken Quesadilla：勁大份，外皮好脆，入面雞肉、洋蔥等等都足料，配上sour cream一流！不過我覺得可以再切細塊啲，因為一拎起身或者咬落去啲料就跌晒出黎，好狼狽。
fish curry with paratha：鬆餅極高汁，類似手抓餅咁好鬆軟，而且牛油味好重，就算無curry就咁食都好好味。魚柳好軟身，配上甜甜地既咖喱非常match，呢道菜非常推廌！
雞肉闊條面：好重cream味，雞肉亦好出色，煎到好出雞肉味，唔係講笑咁講咩雞有雞味魚有魚味，而係佢真係調味到啲雞既味道出晒黎，合埋眼都食得出，勁正！
菠蘿椰子沙冰：好fresh，入面有一粒粒碎冰，椰味重但亦唔會過甜好似飲syrup咁，正呀！
張貼
