Follow (已結業)

今日去咗荔枝角搵嘢食，轉角見到呢一間門面幾靚嘅西餐廳，於是就諗住試下。餐牌入邊都有好多嘢食，不過見到有一個二人套餐好抵，所以就決定試一試——————首先嘅前菜有凱撒沙律同埋餐湯沙律不過不失係平時正常嘅水準，但係必須要讚吓個餐湯！絕對唔係求其整出嚟嘅而係真係感覺到好俾心機煮咗好耐嘅蕃茄湯！真係飲完都仲想繼續飲，不過後面仲有好多驚喜嘅嘢食🕺🏻🐽 意大利雲吞其實之前都有食過，不過呢一味睇落相貌平平但實際上非常之出色！佢入面嘅餡同出面嘅汁配搭得好正，我同女朋友幾乎係搶着咁食晒佢！必叫呀！🐽 燒豬鞍配薯菜豬鞍係燒得啱啱好，賣相又一流，而且薯菜都係好有心機整嘅翠玉瓜！🐽 酸奶忌廉封門柳闊條麵首先一定一定要講好好食！依家好興嘅封門柳，但係呢一度嘅質素係非常之好!且啱啱好5成熟，保留到肉嘅質感之餘又有口感！而且闊條麵都好好味，酸奶忌廉汁啱啱好中和食牛肉嘅油膩感～