美蘭廚房 (已結業)

依家疫情嚴峻都冇得堂食，經過見到外賣有9折，就買黎試下。美蘭秘製叉燒飯 ($52)餐牌見到呢個叉燒飯賣相吸引，不過外賣就冇咁靚。有得揀秘製醬汁，豉油或者咖喱。梗係揀咗秘製醬汁啦，個秘製醬汁有少少酸酸辣辣，有啲似泰式醬汁咁。粒太陽蛋煎得好靚，篤開撈埋啲飯正正，不過叉燒就偏瘦咗少少，都係鍾意半肥瘦叉燒多啲。叉燒油渣麵 ($42)麵條係自家製麵條比較粗身，比平時食開既麵硬小小。油渣浸咗啲湯，食落有小小似炸魚皮，叉燒大概有四五件，同上面個飯一樣，如果叉燒再肥啲就正啲。