御泰坊-泰越菜 (已結業)

阿媽話好耐冇食過泰國野，搵日要去食下。講起泰國菜，第一時間諗起御泰坊，價錢ok又好食。之前有得係app到拎飛，但而家冇了。每次嚟都會叫杯芒果汁飲，但今日試下其他，轉轉新意。椰林樹影$45-即係椰汁沙冰，椰味好香夠濃又唔會太甜，好解渴，一杯啱啱好，如果食辣野用嚟解辣一流。香芒軟殼蟹米紙卷$88-呢個又係阿媽指定要叫既菜。米紙卷好足料，軟殼蟹炸到啱啱好，配芒果同啲蔬菜包埋一齊食，再點個酸酸地既汁，幾夾幾好味。泰式香辣燒魷魚伴辣椒汁$72-呢個魷魚好香碳燒味，份量都ok多，又唔會好韌。辣椒汁有啲辣同少少甜，但又幾惹味，好食。燒牛扒配糯米飯青檸辣椒汁$168-阿媽鐘意食糯米飯，我又鐘意牛扒，呢個菜滿足唒我地2個。牛扒成塊上超足料，燒到啱啱好肉質淋，仲有生菜可以包埋糯米飯一齊食。整體嚟講都算唔錯，野食ok價錢都ok。