影片
更多
2021-05-08
14 瀏覽
-中環鬧市，想搵間親民價錢既高質餐廳的確唔容易，如果想食壽司或者廚師發辦就難上加難。-今次介紹既餐廳正正有啲唔一樣，呢間雲壽司主打平民價錢，但擁有高級質素既日式壽司。餐廳主要由幾位壽司師傅主理，即叫即整。如果坐Bar枱，仲可以親眼睇到師傅們握壽司添！-呢間餐廳所有既食材通通由日本空運到港，絕對非常新鮮。今次我地叫左特上壽司拼盤、北海丼同自選壽司10件。🍣-師傅先上特上壽司拼盤，呢個拼盤足足有10件時令壽司，性價比十足。講到食壽司，小編都算外行人，所以我都只係先食淡味既壽司，再食稍為濃味既壽司，中間再飲綠茶同食酸薑片，以清清味蕾。-先講深海池魚、鯖魚同魴鮄壽司，呢三款壽司肉質緊致、有彈性、厚度適中，仲一啲腥味都無！-跟住講下赤貝，赤貝帶有微微甘甜，肉質非常爽口。至於牡丹蝦，食落比較厚身，尺寸偏大，入口嫩滑甘甜，爽口有彈性。係香港真係比較難食到咁新鮮既牡丹蝦，所以忍唔住輕嘗埋蝦頭既膏，非常鮮甜，但唔會有腥味。而三文魚籽，粒粒非常飽滿，睇落好有光澤，咬落去脆到爆開，略帶鹹味。-之後，我地食左拼盤內唯一既半熟壽司。左口魚邊不嬲係我愛好，而今次既火炙版本更加令我一試難忘。呢款火炙左口魚邊，一入口
-今次介紹既餐廳正正有啲唔一樣，呢間雲壽司主打平民價錢，但擁有高級質素既日式壽司。餐廳主要由幾位壽司師傅主理，即叫即整。如果坐Bar枱，仲可以親眼睇到師傅們握壽司添！
0 瀏覽
0 讚好
0 留言
-呢間餐廳所有既食材通通由日本空運到港，絕對非常新鮮。今次我地叫左特上壽司拼盤、北海丼同自選壽司10件。🍣
-師傅先上特上壽司拼盤，呢個拼盤足足有10件時令壽司，性價比十足。講到食壽司，小編都算外行人，所以我都只係先食淡味既壽司，再食稍為濃味既壽司，中間再飲綠茶同食酸薑片，以清清味蕾。
-先講深海池魚、鯖魚同魴鮄壽司，呢三款壽司肉質緊致、有彈性、厚度適中，仲一啲腥味都無！
-跟住講下赤貝，赤貝帶有微微甘甜，肉質非常爽口。至於牡丹蝦，食落比較厚身，尺寸偏大，入口嫩滑甘甜，爽口有彈性。係香港真係比較難食到咁新鮮既牡丹蝦，所以忍唔住輕嘗埋蝦頭既膏，非常鮮甜，但唔會有腥味。而三文魚籽，粒粒非常飽滿，睇落好有光澤，咬落去脆到爆開，略帶鹹味。
-之後，我地食左拼盤內唯一既半熟壽司。左口魚邊不嬲係我愛好，而今次既火炙版本更加令我一試難忘。呢款火炙左口魚邊，一入口魚油味已經迅速充斥口腔，非常柔軟，香味久久不散，超級推介👍🏻。
-另外，吞拿魚腩同蔥吞拿魚腩壽司雖然係同一品種魚類，但兩種食法完全唔同。先講原塊吞拿魚腩壽司，呢款應該係較濃味既魚類。佢色澤比較粉紅，食落零雪味同腥味。而蔥吞拿魚腩壽司就係魚茸壽司，蔥味比較突出，食落相對清新。
最後，海膽壽司簡直係另一款必須推介既壽司👍🏻。呢款海膽壽司完完全全無腥味，甘甜到不得了，濃郁既香氣持續衝擊味蕾，而且量多到重疊。
-跟住不得不提北海丼，醋飯唔會過酸，日本米有嚼勁且黏度適中。而丼飯上既內容物同特上壽司拼盤大部份如出一轍，唯一唔同係多左肥美既三文魚，而且三文魚籽同海膽配飯，更加一絕！
-最後自選壽司方面，除左我地想再品嚐一次既壽司類別，我地仲叫左魷魚、帆立貝、真鯛同火炙金線鯛。先講真鯛，呢款食落好易咬，都係淡口魚，所以額外清爽。魷魚方面，非常厚實，有甜味。而帆立貝就非常大粒，而且鮮甜，欣賞佢原粒上，無開邊。最後要第三推介既係平日好少食到既金線鯛，呢款火炙金線鯛同樣充滿魚油香，但出奇地唔會太濃味，食落入口即溶，一試愛上。
張貼
