古今

營業中

休息中

⭐古今（銅鑼灣）⭐今日經朋友介紹， 去左一間和風餐廳，居酒屋既間格引人入勝。我地坐左係吧台既位置， 乾淨企理。 菜式幾有創意， 食物質素中上，價格合理。 特別推介壽司薄餅同埋「蜘蛛」。⭐壽司薄餅⭐貌似大板燒既壽司薄餅，別具創意。底部係壽司飯，炸得金黃香脆，上面配料有足料既三文魚粒，鮮嫩甘甜。雖然睇落好細份，但好飽肚， 超級推介！⭐蜘蛛⭐睇落賣相吸引既蜘蛛查實係牛油果軟殼蟹。 足料好食~⭐小食⭐餃子同小丸子味道就中規中矩。 餃子炸得金黃香脆，味道唔錯。小店雖然細細間， 比人好舒服親切既感覺，又安靜， 服務唔錯， 一直有人倒熱茶，幾岩約會。