影片
更多
2023-03-19
75 瀏覽
估唔到旺角鬧市中心都有Omakase ! 呢間新開無耐嘅Omakase價錢完全唔貴，晚市都係$480起，即刻試試佢咩料先🫡• 御巧 $680/位前菜先食三文魚籽蟹肉胡麻豆腐，清新得嚟帶點鮮味。之後再食柚子蜜漬車厘茄，比較清爽嘅一道。最後係近期當造嘅螢光魷魚，味道好濃郁，鹹鹹香香😋首三款刺身分別係比目魚、活帶子同活北寄貝。活北寄貝比起熟食更清甜爽口，而比目魚就即係右口魚，魚身嘅部份無群邊位咁有油香，相對清淡，至於帶子質素都OK幾鮮甜。之後上嘅就有真鯛、鰆魚同油甘魚，前兩者都有炙燒過，多一份焦香感😌陸續奉上七貫壽司：深海池魚、金目鯛、池魚、醬油漬赤身、大拖羅、右口魚以及海膽。頭兩貫嘅壽司飯溫度偏高，有啲影響味道同口感，之後就好返少少。比較深刻嘅係肥美十足嘅右口魚，炙燒迫出油份再加小小蒜好惹味！海膽壽司嘅造型特別，味道都好濃好甜🧡三文魚湯內裡好足料，有大大件三文魚肉同多種蔬菜配料😛最後嘅甜品係抹茶豆腐，略帶回甘嘅抹茶加上豆香效果唔錯，但小小建議可以細碗返啲，因為食到呢個位真係好飽了🤣
呢間新開無耐嘅Omakase價錢完全唔貴，晚市都係$480起，即刻試試佢咩料先🫡
• 御巧 $680/位
前菜先食三文魚籽蟹肉胡麻豆腐，清新得嚟帶點鮮味。之後再食柚子蜜漬車厘茄，比較清爽嘅一道。最後係近期當造嘅螢光魷魚，味道好濃郁，鹹鹹香香😋
首三款刺身分別係比目魚、活帶子同活北寄貝。活北寄貝比起熟食更清甜爽口，而比目魚就即係右口魚，魚身嘅部份無群邊位咁有油香，相對清淡，至於帶子質素都OK幾鮮甜。之後上嘅就有真鯛、鰆魚同油甘魚，前兩者都有炙燒過，多一份焦香感😌
陸續奉上七貫壽司：深海池魚、金目鯛、池魚、醬油漬赤身、大拖羅、右口魚以及海膽。頭兩貫嘅壽司飯溫度偏高，有啲影響味道同口感，之後就好返少少。比較深刻嘅係肥美十足嘅右口魚，炙燒迫出油份再加小小蒜好惹味！海膽壽司嘅造型特別，味道都好濃好甜🧡
三文魚湯內裡好足料，有大大件三文魚肉同多種蔬菜配料😛
最後嘅甜品係抹茶豆腐，略帶回甘嘅抹茶加上豆香效果唔錯，但小小建議可以細碗返啲，因為食到呢個位真係好飽了🤣
張貼
