慶吉家 (已結業)

返工食lunch想搵啲新嘢食所以就去咗公司附近一間和食餐廳，估唔到今次令我發現咗一個返工食lunch好選擇。餐廳入邊都幾闊落，我唔使點等位就入到去。餐牌選擇亦都好多，價錢亦都好親民，Happy hour過嚟食幾串串燒飲下啤酒都得。滑蛋豬扒蓋飯份量都幾多，就算大食都一定夠飽，豬扒外脆內軟，滑蛋嘅蛋味都幾香，值得一提嘅係除咗本身蓋飯嘅滑蛋之外佢仲會另外奉上一碟雞蛋汁，非常貼心而且真係好少見有餐廳會連蛋汁都可以俾你加，啱晒鍾意汁撈飯嘅人。另外叫咗一碟豬軟骨，係佢哋呢度最出名菜式嘅其中之一。豬軟骨長時間同醬汁一齊煮，肉質好淋，都唔使點樣用牙咬，而且非常入味，值得推薦Overall, 親民嘅價錢有呢個水準性價比都幾高。