內裡位置多而空間闊落，應該屬此地難得可以坐得舒適嘅餐廳。😚多用木同燈飾嘅日式裝修簡潔而令人容易進入較放鬆嘅狀態。不過，一開menu緊張左😂，選擇困難症來了⋯有丼飯、又有壽喜燒，仲有成頁大約18-70蚊嘅日式小食。我地想chill d就prefer咩小食都叫d，自由組合一下😋
🔸海膽刺身（$158）💎
先來嘅係呢個打卡菜式，幾靚嘅係😛😛雖然名係刺身，但係跟左六粒帶子型嘅一口飯😂好qq。海膽有8大片，肥厚、新鮮同尚算乾身👍🏼加上自己包又好似有得玩有得食，體驗不俗。若平時呢個份量嘅海膽約二百蚊，咁呢個算係性價比高👍🏼紫菜愈早食愈好，始終拱過👅!
🔸火炙海鹽鵝肝壽司2pcs ($52)💎
友人食左就一句impressive，笑😂鵝肝好大塊，突哂出黎🤩煎得好香口而中間係滴緊油，簡簡單單用海鹽灑係面頭燒下就已經好到位👍🏼不過，如果鹽落均勻一d會更好🤣唔算太大影響都係好味。另有火炙焦糖選擇，下次再試。
🔸土佐豆腐（$48）💎
原本自己係豆腐愛好者，加上係店內人氣小食，要叫嘅。土佐豆腐連大片木魚花一齊炸得十分脆口，即使放左一陣仍然保持脆，驚艷！內裡豆腐滑溜，入口即化，昆布柴魚味嘅汁底入味而唔會太濃烈，保持豆腐嘅優雅。四大舊金黃嘅土佐豆腐不論賣相、味道同入口感，都係滿分，成為今晚冠軍😋😋
🔸雜錦天婦羅 （$68）
炸天婦羅正正常常，入口鬆化，炸粉亦是薄薄一層😛當中食到一塊炸紅蘿蔔😂原以為係炸蕃薯黎
🔸軍艦大滿足5pcs ($65)
加埋呢set軍艦就剛好feed飽我倆，魚子、蟹子、吞拿魚茸、蟹膏蟹肉等壽司，視覺上全橙嘅壽司🤣每一道壽司均足料，價錢亦合理，喺食多種小食再加一set壽司都係幾好嘅配搭，惟紫菜可以脆口會變得更好。
🔸任飲特飲（$13）
自由選飲品任飲都係13蚊，不過飲一杯就夠飽了😛
