翔壽司 (已結業)

尖沙咀厚福街真係好多野食，翔壽司面積唔太，bar枱設計，冇訂位就要睇好唔好彩。有唔同set揀，單點都得，仲有三款omakase🍱 翔 Sho ($480)刺身4點 | 壽司7款 | 手卷 | 湯先上咗刺身🤩刺身份量比想像多，師傅會教你食邊款先。象拔蚌切得唔算薄身，有淡淡檸檬味🍋，好爽脆好鮮甜！之後係食🐟鮫鰈，師傅準備咗兩款，一款係刺身，另一款係火炙過。刺身既油脂冇火炙過咁香，兩款都好食。之後就到螢光魷魚🦑，飽滿多膏，口感爽脆，食到微微味噌味。🌟大吞拿魚腩伴紫菜呢個師傅係直接俾你用手拎住，叫我唔使再點鼓油，就咁食。🤩好驚喜，已經調好味，紫菜入面仲有紫蘇葉包住件大吞拿魚腩，完全係feel到吞拿魚好飽滿肥美，係口溶化既感覺真係太滿足🥰🥢食完刺身其實都小小飽，跟住就到壽司🍣1. 白蝦 ~味道肥嫩甘甜，爽口又有帶有鮮味😋2. 活北寄貝3. 目光魚4. 北海島海膽 ~鮮甜！😚5. 鰹魚 ~口感油脂分佈平均，醋香調得幾好，酸酸地清爽6. 生銀雪魚 ~微微火炙過，濃郁鮮味，仲好有油香😍7. 沙甸魚🍙葱吞拿魚腩手卷吞拿魚蓉用咗魚腩既部分，所以油分特別豐腴，而且真係好幼滑，最正係手卷由頭到尾都係吞拿魚蓉，