Su Casa (已搬遷) 新店位置

上網睇到呢間石門新開嘅西餐廳，知道係親子餐廳，所以就同小友嚟試吓。呢度有三款兒童車，餐具係可愛嘅一㗎玩具車，分別有沙律、通粉、生果和橙汁。一上菜小朋友就歡天喜地，因為餐具真係好吸引。另外每逢點一個兒童餐，就有一次免費嘅扭蛋機會，可以好到前台免費扭蛋。小朋友有得玩又有得食，真係開心到爆炸。大人嘅食物，我地點左招牌害怕，因為呢個菜式喺外邊真係好少有，湯🥣入面真是有蠔肉，非常濃郁，絕對愛蠔之人嘅必選。頭盤又點左健康之選嘅羽衣甘藍沙律，沙律菜非常新鮮，好清新，絕對係開胃之選。喺網上嘅食評，見到朋友強烈推介呢度嘅牛扒，所以我哋都點左一個紐西蘭肉眼扒，另外又有一個忌廉帶子菠菜天使麵。牛扒有好香嘅牛肉味，非常鮮甜， 肉質鮮嫩，好容易就切開。篇面逆轉得好，忌廉味同帶子配合得天衣無縫，非常美味嘅意粉。食西餐又點少得甜品呢，今次點左一個又係好少有嘅意大利檸檬🍋雪巴，非常Fresh嘅感覺，唔會太甜，非常令人難忘。呢間餐廳真係令人非常滿意驚喜，呢度店舖環境非常寬廣，下次可以拉大隊嚟食呢。