動漫樂園及主題餐廳 (已易手) 新餐廳

係Megabox行到7點幾，友人開始嗌肚餓，咁我地就開始諗下晚餐食乜好。經過呢間鋪既門口見佢有餐牌擺放左出來，個Menu又好似唔錯咁，咁我地就入左去食喇。由於大家都好肚餓，所以都嗌左比較Heavy既食物，包括：鐵板芥末子燒汁肉眼扒薯菜和鐵板春雞薯菜。落完order之後都等左半個鐘d食物先到，有少少失望，個肉眼扒雖然份量十足，但黎到既時候係暖暖的，估計應該係做好左之後放左好耐先有職員送來。燒春雞就好少少，至少黎到既時候都係熱。薯菜方面就不要抱太大的期望，勉強都還可以入口。