影片
更多
2008-04-23
12 瀏覽
3月25日, 今晚同呀比去奧海城睇戲之前, 終於有機會行過黎埃華街呢邊揾野食啦~ 經過一條條黑蚊蚊好似工廠街既地方, 去到有好多野食既埃華街, 最後都係揀左食車品品~ 8點零鐘無乜人唔洗等位就入得~ 但係得2個人做野, 等咗好耐先有得食囉......... ::: 淨魯肉餃::: $ 25真係即叫即整!! 餃子只係微微浸在湯上面, 但餃皮一d都唔乾仲好濕潤, 而且厚薄適中~ 入面d魯肉好多汁, 甜甜的, 我好鍾意食!! 不過呀比就話濃味得滯, 未必人人鍾意~ 同埋想講個湯就相對可以話係無味. D菜有d似白烚...::: 車仔麵(蘿蔔+紅腸+牛腩+油麵) ::: $ 21老闆娘好好人自動幫我地加腩汁~ 腩汁幾香同個湯底都幾甜, 最後連d湯都差唔多飲晒~ 不過d牛腩真係好差, 好韌同好黐牙, 早知差唔多價錢要大雜麵好過~ 而蘿蔔真係名不虛傳煲得好淋同埋好甜~ 叫車仔麵必選~ 正!!::: 山楂金絲蜜棗露::: $ 6好似酸梅湯甘樣既山渣茶~ 夠凍~ 同埋自家製感覺健康d~ 感覺黎姐~ 所謂消滯開胃功效則不大~ 其實車品品d野幾好食, 老闆娘又幾hyper, 成日自己喪笑, 而且唔會太har
::: 淨魯肉餃::: $ 25
真係即叫即整!! 餃子只係微微浸在湯上面, 但餃皮一d都唔乾仲好濕潤, 而且厚薄適中~ 入面d魯肉好多汁, 甜甜的, 我好鍾意食!! 不過呀比就話濃味得滯, 未必人人鍾意~ 同埋想講個湯就相對可以話係無味. D菜有d似白烚...
::: 車仔麵(蘿蔔+紅腸+牛腩+油麵) ::: $ 21
老闆娘好好人自動幫我地加腩汁~ 腩汁幾香同個湯底都幾甜, 最後連d湯都差唔多飲晒~ 不過d牛腩真係好差, 好韌同好黐牙, 早知差唔多價錢要大雜麵好過~ 而蘿蔔真係名不虛傳煲得好淋同埋好甜~ 叫車仔麵必選~ 正!!
::: 山楂金絲蜜棗露::: $ 6
好似酸梅湯甘樣既山渣茶~ 夠凍~ 同埋自家製感覺健康d~ 感覺黎姐~ 所謂消滯開胃功效則不大~
其實車品品d野幾好食, 老闆娘又幾hyper, 成日自己喪笑, 而且唔會太hardsell自己d食物. 不過真係等得太耐啦…趕時間的話真係唔好去食!!
張貼
