影片
更多
2022-12-13
35 瀏覽
最近發現喺澳南海岸新開咗一間日本餐廳，放假同朋友約好咗要黎試下💕.Omakase午市 $800.🔸先付前菜一共有3款，橙紅色碟上放咗牛蒡絲、菠菜金菇漬同十勝馬鈴薯！菠菜金菇漬酸酸甜甜幾開胃；馬鈴薯好爽口.🔸刺身三品每款刺身同壽司，師傳都會細心介紹食材同埋建議食法第1️⃣道：松川鰈係一款口味較淡嘅魚，可以喺植物上拔少少紫蘇花夾喺刺身裡面，然後點少少酸汁一齊食，清新開胃！第2️⃣道：來自岩手縣廣田灣嘅生蠔 ，食之前可以擠少少檸檬汁，入口有淡淡嘅海水味，然後係蠔嘅鮮甜，兩者都好平均、互相唔會搶風頭第3️⃣道：來自北海道嘅馬糞海膽 ，味道甘甜鮮美、三文魚子鹹香又鮮味，撈勻之後有少少似食緊甜品啊.🔸御料理西京燒：預先調好味嘅銀鱈魚好嫩滑，唔需要點醬就好夠味！魚上面仲灑咗少少柚子皮，清新美味！.🔸壽司12貫✅真鯛：口感Q彈，味道淡雅，作為開場第一件好適合✅伊佐木魚：又名日本雞魚，肉質白裡透紅，食落柔軟多脂✅池魚王：油脂較重但好爽口，有少少似油甘魚嘅口感✅金木鯛：有一層好似「大眼雞」嘅皮，皮先用熱水汆燙過，加入醬油提味，整體油脂適中、肉質細膩✅鰤魚：肉質甜美﹑油脂豐富，有少少似油甘魚嘅口感✅剝皮魚：魚肉味道較淡
.
Omakase午市 $800
.
🔸先付
前菜一共有3款，橙紅色碟上放咗牛蒡絲、
菠菜金菇漬同十勝馬鈴薯！菠菜金菇漬酸酸
甜甜幾開胃；馬鈴薯好爽口
.
🔸刺身三品
每款刺身同壽司，師傳都會細心介紹食材同埋建議食法
第1️⃣道：松川鰈係一款口味較淡嘅魚，可以喺植物上拔少少紫蘇花夾喺刺身裡面，然後點少少酸汁一齊食，清新開胃！
第2️⃣道：來自岩手縣廣田灣嘅生蠔 ，食之前可以擠少少檸檬汁，入口有淡淡嘅海水味，然後係蠔嘅鮮甜，兩者都好平均、互相唔會搶風頭
第3️⃣道：來自北海道嘅馬糞海膽 ，味道甘甜鮮美、三文魚子鹹香又鮮味，撈勻之後有少少似食緊甜品啊
.
🔸御料理
西京燒：預先調好味嘅銀鱈魚好嫩滑，唔需要點醬就好夠味！魚上面仲灑咗少少柚子皮，清新美味！
.
🔸壽司12貫
✅真鯛：口感Q彈，味道淡雅，作為開場第一件好適合
✅伊佐木魚：又名日本雞魚，肉質白裡透紅，食落柔軟多脂
✅池魚王：油脂較重但好爽口，有少少似油甘魚嘅口感
✅金木鯛：有一層好似「大眼雞」嘅皮，皮先用熱水汆燙過，加入醬油提味，整體油脂適中、肉質細膩
✅鰤魚：肉質甜美﹑油脂豐富，有少少似油甘魚嘅口感
✅剝皮魚：魚肉味道較淡，最鮮味嘅部分係肝臟，所以經常會加少少肝臟同香蔥喺面✨魚肝入口即化，滑到好似奶油一樣，令整體味道大提升👍🏻
✅帆立貝：鮮甜嫩滑，灑上柚子皮後整體鮮味再提升
✅北寄貝：表面輕輕燒過，甘甜爽脆！
✅小白蝦：來自富山灣嘅小白蝦，大概有20隻，甜味濃郁
✅拖羅：魚肉油潤軟滑，魚味濃郁
✅真鯖：魚肉上面鋪咗一片白板昆布、中間夾咗一塊紫蘇葉，連埋醬汁一齊食，入口酸酸地而且慢慢滲出陣陣紫蘇葉味👍🏻
✅鮟鱇魚肝：魚肝上面鋪咗一塊「奈良漬」西瓜 (即係將瓜類用日本酒嘅酒粕醃製而成琥珀色嘅漬物)，魚肝夾埋西瓜片同壽司飯入口個陣溶為一體，好似食緊芝士鵝肝👍🏻
🔸海膽手卷 & 拖羅卷物：手卷有爆多馬糞海膽，入口即化、甘甜鮮美；仲有拖羅卷物，食到依度個肚仔開始飽喇
🔸熱湯
食咗咁多野之後，飲一碗濃濃嘅味噌湯真係好滿足❤️
🔸甜品
海鹽雲呢拿雪糕，淡淡嘅海鹽咸味中和咗雲呢拿嘅甜！
.
不得不提每件壽司飯裡面嘅醬油同芥末都啱啱好，真係一次視覺同美食上嘅享受😋
餐廳裡面嘅吧檯座位大概有9個，可以近距離睇師傅製作食物同傾計，仲有兩個小包廂同一間可以容納4-5人嘅VIP房㗎！
張貼
