影片
更多
2025-08-18
0 瀏覽
此店近期網絡曝光率高，同一派系頻頻開店，加上再搵返食評內容傾向正面，因此特登慕名而來一試。 時間係星期日中午時段12:15，由等位至入座需時半個鐘頭。不幸地被安排坐於中間圓枱，基本上係椅背貼椅背， 可動空間極度狹窄！全程同樣都係qr code落單+自己睇menu，同店員間無需互動。餐牌上並無茶餐廳必備飲品，全是罐裝樽裝貨色，有點失望。點選了 蝦頭油炒飯 及 鮮茄蜜桃焗豬扒飯，並無點飲品。蝦頭油炒飯 - 蝦仁、櫻花蝦、蠔仔等配料非常足夠， 炒飯調味做到有蝦香效果，細心品嚐會發現以上所有食材，都只係被安排落同一碟上，它們互相並無任何連繫的元素，甚至乎有冇一齊被落鑊炒都成一個疑問。足料+能夠打咭確係此產品的一大賣點，而令到配料都有被炒香嘅感覺，相信此產品會長賣長有。鮮茄蜜桃焗豬扒飯 - 鮮茄份量足，蜜桃在產品上並無法發揮任何影響力，只係獨立三片多出嚟嘅食材。 炒飯底濕糯唔香口，冇得另用碟起飯令到個飯死得更快。 有驚喜嘅係塊豬扒，先用脆漿炸完再焗仍然有脆口感覺，美中不足係切得太大件，食起上嚟好論盡。場地雖小亦維持爆場，但廣東話嘅聲音並唔多，櫃檯側邊見到店家貼住人民幣兌港元一對一結算，可知此店廣
蝦頭油炒飯 - 蝦仁、櫻花蝦、蠔仔等配料非常足夠， 炒飯調味做到有蝦香效果，細心品嚐會發現以上所有食材，都只係被安排落同一碟上，它們互相並無任何連繫的元素，甚至乎有冇一齊被落鑊炒都成一個疑問。足料+能夠打咭確係此產品的一大賣點，而令到配料都有被炒香嘅感覺，相信此產品會長賣長有。
鮮茄蜜桃焗豬扒飯 - 鮮茄份量足，蜜桃在產品上並無法發揮任何影響力，只係獨立三片多出嚟嘅食材。 炒飯底濕糯唔香口，冇得另用碟起飯令到個飯死得更快。 有驚喜嘅係塊豬扒，先用脆漿炸完再焗仍然有脆口感覺，美中不足係切得太大件，食起上嚟好論盡。
場地雖小亦維持爆場，但廣東話嘅聲音並唔多，櫃檯側邊見到店家貼住人民幣兌港元一對一結算，可知此店廣受遊客歡迎的程度。
張貼
