謝謝儂 (東港城) (已結業)

放假諗唔到食咩好，想食d酸酸辣辣既野，就走左去謝謝儂食午餐，好多餸菜都想叫，睇圖已經覺得吸引.1. 雞絲伴粉皮粉皮晶瑩爽滑，雞絲嫩滑，最重點係個芝麻醬🥰唔稀又唔黏口，芝麻味濃郁，配埋青瓜一齊食，爽口又好味.2. 酸辣湯睇落幾似碗仔翅，配料好豐富，有木耳和豬肉絲等，酸度夠且帶點微辣，幾開胃😋.3. 銀芽炒鱔糊份量比想像中多🤤滿滿既芽菜，配上濃稠既醬汁，送飯真係一流，鱔糊幾腍身，調味唔錯，食完唔會好口渴.4. 口水雞見到已經流緊口水，醬汁味道更豐富，唔單止係辣咁簡單，是多種辛香料交織而成，辣中帶香、香中帶麻，但同時又唔會嗆喉，雞肉嫩滑，不錯👍🏻