影片
更多
2016-02-17
321 瀏覽
上次係藍田食過蒸氣石鍋後，媽媽好鐘意今日經過新蒲崗見到呢度都有間喎，於係三婆孫又再食過~HAHA呢間位於越秀廣場對面既潮福，唔知係咪總店，比起藍田個間殘舊左D~好似屋邨酒樓格局咁~不過座位都幾寬敞，尤其係卡位，4人坐都好鬆動唔知係咪今日係星期二，得半間滿~ 仲有好多吉位添~ 唔使同人迫又幾好喎~唔同時段都有折頭，開到夜晚3點架，對於D夜鬼都最啱~花生10蚊，茶芥12蚊~ 不過花生幾好食~HAHA呢度都有得揀海鮮，D蟹真係新鮮到爬上黎架~呢度同藍田最唔同既地方, 係有套餐架有$298 同$398 揀，幾抵食喎~ 因為散叫的話未必食到咁多款，而且都唔係平架有款花竹蝦, 二百幾蚊一隻架~OOO落單時女待應不停係度問問問, 催催催，連俾人諗下既時間都無~ 咁搞法，好易食過千架所以最好諗哂寫低再叫佢黎落單~HAHA~最代表性的，當然係尼個石鍋同個蓋啦~ 叫左個鮮淮水瑤柱粥底 細SIZE 80蚊~ (應該係必食架啦) 蒸野前先係個底放哂所有米, 鮮淮山同瑤柱落去，就唔使理, 因為個石鍋係唔會痴底的~第一個食鮑魚, 上次試過大隻既南非鮑，今次試過呢隻細隻D既大連鮑 (58蚊隻), 用蟲草一齊蒸不過唔
今日經過新蒲崗見到呢度都有間喎，於係三婆孫又再食過~HAHA
呢間位於越秀廣場對面既潮福，唔知係咪總店，比起藍田個間殘舊左D~好似屋邨酒樓格局咁~不過座位都幾寬敞，尤其係卡位，4人坐都好鬆動唔知係咪今日係星期二，得半間滿~ 仲有好多吉位添~ 唔使同人迫又幾好喎~
唔同時段都有折頭，開到夜晚3點架，對於D夜鬼都最啱~
花生10蚊，茶芥12蚊~ 不過花生幾好食~HAHA
呢度都有得揀海鮮，D蟹真係新鮮到爬上黎架~呢度同藍田最唔同既地方, 係有套餐架
有$298 同$398 揀，幾抵食喎~
因為散叫的話未必食到咁多款，而且都唔係平架有款花竹蝦, 二百幾蚊一隻架~OOO
落單時女待應不停係度問問問, 催催催，連俾人諗下既時間都無~ 咁搞法，好易食過千架
所以最好諗哂寫低再叫佢黎落單~HAHA~
最代表性的，當然係尼個石鍋同個蓋啦~
叫左個鮮淮水瑤柱粥底 細SIZE 80蚊~ (應該係必食架啦) 蒸野前先係個底放哂所有米, 鮮淮山同瑤柱落去，就唔使理, 因為個石鍋係唔會痴底的~
第一個食鮑魚, 上次試過大隻既南非鮑，今次試過呢隻細隻D既大連鮑 (58蚊隻), 用蟲草一齊蒸
不過唔知係蓋過左頭，有少少嚡, 無左啱啱熟個種嫩滑~鮑味我覺得呢隻重過南非鮑~
今次依然食左蝴蝶蜆, 168蚊/半斤
唔知係咪食過加左調味既鮑魚，顯得個蜆無咁鮮甜了
下次食，一定要食左呢D無加調味的海鮮先~
阿囡食到第一隻就有沙呀~搞到我都驚左 不過之後就唔係隻隻有~吐沙方面要再做好D啦~事關D象拔蚌仔都食到隻有沙~ (佢地好似叫象牙蚌, 因為仲有另一款大隻D既叫象牙蚌仔)
總之佢係成晚都正既, 夠鮮味，夠爽口，食得出新鮮~ 必食推介
元具叫左日本元貝，細SIZE, 58蚊隻~不過應該唔係新鮮，所以肉有D嚡同實，一D鮮味都無, 阿囡食左一啖話唔好味，唔食了~ ><
不過成晚最差係呢個 78蚊一隻既象拔蚌仔, 比之前個D大隻D不過，我懷疑佢係死死D, 上枱時已經切哂條
食落成陣臭腥味~ >< 基本上係掉左~ 好彩叫左一隻咋~
所以揀海鮮蒸, 一定要揀D真係新鮮識郁個D先好~食左咁多海鮮，要黎D菜
貪心D叫左雜菜, 有黃芽白仔，菜心，芥蘭,不過比起蒸菜，我都係鐘意食炒菜~菜係新鮮，不過蒸完既菜太過淋，唔係咁鐘意~都係蒸勝瓜好味D~
終於蒸哂D野，可以食阿囡等左成晚既粥啦~粥底既米圓圓潤潤，有D似日本米咁
成個粥都好滑，唔使加調味已經好夠味~
如果個鮮淮山可以切片, 溶緊D係粥度仲好~
成晚的海鮮都加左同一種醃料，味道都幾濃，食多3款後覺得隻隻味都一樣反而掩蓋左海鮮本身的味道~
基本上醃料都好夠味，個調味都乜點過~ 浪費哂~
食飽仲有飯後水果西瓜送
埋單八折後再加一, 843蚊，好彩唔係成日食者~HAHA~
題外話/補充資料：
套餐未計加一的~
揀海鮮一定要揀游緊水, 識郁個D黎蒸先可以蒸出鮮味~
(以上食評乃用戶個人意見 , 並不代表OpenRice之觀點。)
張貼
