影片
更多
2009-06-02
13 瀏覽
有睇開我食評的朋友都知我十分喜愛妹記，食左佢成四五年，雖然近期佢0的食物質素每況愈下，我都定期與工友幾個月半年會去幫趁一下，探一探johnny哥，亦表支持及懷念一番﹗上個月得知妹記搬左過對面馬路，仲入左鋪添，呢晚就開開心心又來支持﹗鋪位個正門入口細得要命，真係唔留心都唔會知呢度有間食店，餐廳在地庫，地方挺大，燈火通明，環境光鮮，位與位之間也不迫狹，依然沿用以前既大圓枱，感覺仍像大排檔，櫈亦有了椅背坐得比以前舒適﹗最正當然係個廁所啦，唔洗再好似以前咁山長水遠跑樓梯去下面街市又臭又穢的公廁，入左鋪無人再食煙，衛生好了不少﹗小惠依然0係度註場，見到我都有打個招呼，先來哈爾濱，也許最值得留戀的是戰鬥碗，依舊懷念那年那月天天來這兒杯杯清的歲月﹗先來椒鹽墨魚咀，墨魚咀彈牙，可惜椒鹽味不夠，個炸粉雖香脆卻不惹味﹗黃金魷魚係呢度招牌菜，上枱時已覺得挺不對路，炸粉濕笠笠腍得不得了，鹹蛋黃根本不上粉，甩到一碟都係，吃落口感很油膩，我吃了一件便放棄了﹗南乳香酥骨叫做最正常，不過亦是乾身得過份，肉質很o鞋口，失望呢﹗豆腐炒雜菇，個汁蠔油味濃，還可以﹗最要鬧的是他們的招牌鋼鍋雞，成鍋俾0的芫茜蓋住，鍋中雞件加加
上個月得知妹記搬左過對面馬路，仲入左鋪添，呢晚就開開心心又來支持﹗
鋪位個正門入口細得要命，真係唔留心都唔會知呢度有間食店，餐廳在地庫，地方挺大，燈火通明，環境光鮮，位與位之間也不迫狹，依然沿用以前既大圓枱，感覺仍像大排檔，櫈亦有了椅背坐得比以前舒適﹗
最正當然係個廁所啦，唔洗再好似以前咁山長水遠跑樓梯去下面街市又臭又穢的公廁，入左鋪無人再食煙，衛生好了不少﹗
小惠依然0係度註場，見到我都有打個招呼，先來哈爾濱，也許最值得留戀的是戰鬥碗，依舊懷念那年那月天天來這兒杯杯清的歲月﹗
先來椒鹽墨魚咀，墨魚咀彈牙，可惜椒鹽味不夠，個炸粉雖香脆卻不惹味﹗
黃金魷魚係呢度招牌菜，上枱時已覺得挺不對路，炸粉濕笠笠腍得不得了，鹹蛋黃根本不上粉，甩到一碟都係，吃落口感很油膩，我吃了一件便放棄了﹗
南乳香酥骨叫做最正常，不過亦是乾身得過份，肉質很o鞋口，失望呢﹗
豆腐炒雜菇，個汁蠔油味濃，還可以﹗
最要鬧的是他們的招牌鋼鍋雞，成鍋俾0的芫茜蓋住，鍋中雞件加加埋埋得十粒都無，我用粒而不用件來形容是因為佢0的雞真係斬成粒狀，雞翼位是一開三的，成70蚊鍋佢得十粒雞過我食真係佛都有火，其餘成鍋就係蔥、薑、竹筍等我唔會食的配菜，工友同友人都大叫搵笨，友人投訴只吃到荀粒因雞粒俾我同工友食哂，講真雞肉不見嫩滑及入味只有少少辣味，食完好似無食過野咁。
最後要了三隻冰螺，十二蚊隻不算很大，呢個凍吃的是全晚最好的了，肉質鮮甜而彈牙，但個汁真係......辣得不得了，蘸一蘸咩鮮味都無哂，十二蚊隻亦太貴了﹗
吃完後與工友對望，這兒雖帶給我們有無限人情感覺回憶，但如此食物質素，與以前相比真的差天共地，再念舊的我也會放棄，這次大概應該是我們最後一次到訪了.................
既是最後一次，也不給喊評，以表對這兒的愛戴﹗
妹記再見﹗
張貼
