稻香超級漁港 (已結業)

為慶祝母親大人生日，近近哋就係將軍澳稻香打邊爐啦﹗我們去到坐低便開始研究啲餐單，有幾張紙，最得意係呢張有美國肥牛48元一碟，但另一張就38元一碟，都係睇清楚啲，終於揀咗一元湯底兩個，美國肥牛﹑安格斯牛﹑咩牛都叫一碟試下，另外墨魚丸﹑蝦丸﹑芝心丸﹑帶子﹑蠔﹑象拔蚌﹑龍蝦…太多了，唔記得咁多，睇圖片吧啦。最好食都係安格斯牛，比較香口，雖然最貴(88元)，但我哋全家係牛魔王，呢個梗係要encore啦﹗如果人少叫個$168海鮮套餐都好似幾好，有基圍蝦﹑鮑魚仔﹑蟹…自己帶咗紅酒來，開瓶費30元，豪比你啦，果度一支甚麼LXV紅酒要九佰幾蚊，唔知有幾多街坊會開來飲呢？之前來過食過幾次飯，感覺服務都不太好，但今次呢個姐姐都唔錯，我哋叫錯咗腐皮當係另一個，佢不但無比面色我哋睇，仲好快幫我哋換翻。總括來講，食物新鮮的，出品雖然無咩特別，但也算不錯，我哋一行九人，感覺好似食buffet咁，好飽，埋單連飲品都係2000大元，算是底食吧，9時後有特價，應該仲底食，自己覺得來稻香都係打邊爐好啲。最重要係母親大人食得高興，呢餐幾錢係其次。