9
0
0
等級4
今日呢餐飯真係不得了!居然要早3個月之前預約再落一半訂先至訂到位一嘗四季酒店頂層四十五樓既Tempura Uchitsu午餐,究竟有幾巴閉?OpenRice資料話餐廳於2020年10月開幕,由東京天婦羅匠人內津貴久主廚,提供天婦羅料理,午市清一色既厨師發辦套餐每位$1,480加一,用餐時間約兩個鐘。某某服務員同我電話聯絡時候既態度都真係幾串嘴,完全不愁生意。真係要試過先知到底值唔值!我唔客氣啦!係四季酒店搭lift直上45樓,一出lift見到窗外高層嘅靚景,穿過呢個升降機大堂入去,發現餐廳入口好細。入面原來得8個吧位左右,怪唔得要早3個月預約兼落訂!你地記得要要求吧枱中間位,我地坐側邊,完全看唔到師傅整野食。裝修係正常日式餐廳。環境方面其實我覺得頗逼,同隔離位只有一塊有色透明板隔住,其實係可以接受,不過作爲四季酒店餐廳就有點兒那個。大家記得唔好遲到,原來餐廳係預算全部客人一齊同時食同一個菜式,等師傅可以一次整多人份量。我地大鄉里,遲左20分鐘已經比服務員打電話催。最後遲左25分鐘,要趕快食追返上進度,不過我一向都食得快,無問題。一坐低,已經見到枱面擺好調味料,仲有餐巾,白信封比你放口罩
更多
今日呢餐飯真係不得了!居然要早3個月之前預約再落一半訂先至訂到位一嘗四季酒店頂層四十五樓既Tempura Uchitsu午餐,究竟有幾巴閉?OpenRice資料話餐廳於2020年10月開幕,由東京天婦羅匠人內津貴久主廚,提供天婦羅料理,午市清一色既厨師發辦套餐每位$1,480加一,用餐時間約兩個鐘。某某服務員同我電話聯絡時候既態度都真係幾串嘴,完全不愁生意。真係要試過先知到底值唔值!我唔客氣啦!

1 瀏覽
0 讚好
0 留言

係四季酒店搭lift直上45樓,一出lift見到窗外高層嘅靚景,穿過呢個升降機大堂入去,發現餐廳入口好細。入面原來得8個吧位左右,怪唔得要早3個月預約兼落訂!你地記得要要求吧枱中間位,我地坐側邊,完全看唔到師傅整野食。裝修係正常日式餐廳。環境方面其實我覺得頗逼,同隔離位只有一塊有色透明板隔住,其實係可以接受,不過作爲四季酒店餐廳就有點兒那個。

大家記得唔好遲到,原來餐廳係預算全部客人一齊同時食同一個菜式,等師傅可以一次整多人份量。我地大鄉里,遲左20分鐘已經比服務員打電話催。最後遲左25分鐘,要趕快食追返上進度,不過我一向都食得快,無問題。

1 瀏覽
0 讚好
0 留言

一坐低,已經見到枱面擺好調味料,仲有餐巾,白信封比你放口罩,同熱毛巾比你抹手。服務員問我地想飲咩,我地叫左熱水,唔知凍水或凍茶收唔收錢。

南瓜湯,慢煮鴨胸,蝦肉芋頭配豆腐芝麻醬
1 瀏覽
0 讚好
0 留言

南瓜湯,慢煮鴨胸,蝦肉芋頭配豆腐芝麻醬

然後服務員就上左前菜比我地,當然有逐一介紹。左起南瓜湯,慢煮鴨胸,同蝦肉芋頭配豆腐芝麻醬。

南瓜湯
1 瀏覽
0 讚好
0 留言

南瓜湯

迷你南瓜湯超甜又濃厚,份量只有幾啖。

慢煮鴨胸
0 瀏覽
0 讚好
0 留言

慢煮鴨胸

慢煮鴨胸好嫩,我鍾意鴨胸上面甜甜地既汁。鴨胸下面墊有水菜。

蝦肉芋頭配豆腐芝麻醬
0 瀏覽
0 讚好
0 留言

蝦肉芋頭配豆腐芝麻醬

蝦肉1開3,芋頭兩粒,老實講就唔太特別。豆腐芝麻醬好creamy,豆腐濃過芝麻味,上面居然加左少少櫻花,令成個味道好特別。

白海老炸蝦頭
0 瀏覽
0 讚好
0 留言

白海老炸蝦頭

同一時間,港人師傅就上左第一道天婦羅比我地(因爲我地遲到既關係),係白海老炸蝦頭。好多隻迷你白海老刺身放左係紫菜天婦羅上面,最頂加左少少芥末。食落味道質感都唔錯,有薄脆有鮮甜,不過未算驚喜。炸蝦頭當然香脆,可惜無蝦膏,美中不足。

蘿蔔蓉天婦羅汁
0 瀏覽
0 讚好
0 留言

食完前菜之後,服務員就上左蘿蔔蓉天婦羅汁比我地,亦介紹左各款調味料。
青檸,加左冬菇同昆布既鹽,九州鹽
0 瀏覽
0 讚好
0 留言


左起係青檸(適用於海鮮),中間係加左冬菇同昆布既鹽,右邊係九州鹽。九州鹽較爲鹹少少。個人覺得呢d調味料完全無必要,一定係食食材既原味最好。最右邊就係用黎裝食剩嘅蝦殼等。

車海老
0 瀏覽
0 讚好
0 留言

車海老

第二道天婦羅就係車海老。黎得呢d頂級天婦羅餐廳,天婦羅炸皮夠薄係指定動作,呢度既炸皮基本上係可以用唔存在黎形容。車海老肉質彈牙,不過都係個句,未有驚喜。

蓮藕
0 瀏覽
0 讚好
0 留言

蓮藕

第三道天婦羅係蓮藕。蓮藕天婦羅我係第一次食,味道係唔錯,不過都係無驚喜。

紫蘇葉海膽
0 瀏覽
0 讚好
0 留言

紫蘇葉海膽

紫蘇葉海膽
0 瀏覽
0 讚好
0 留言

登登登登!終於等到我最期待既紫蘇葉海膽天婦羅。自從多年前係稻菊試過紫菜包海膽天婦羅就真係一試難忘。呢度用紫蘇葉代替紫菜,我覺得分別不大。服務員建議我地先試原味,之後先加鹽,我當然完全唔需要加鹽食。紫蘇葉入面超多海膽,海膽滑溜creamy,雖然鮮味被炸皮掩蓋,不過炸皮既香脆口感同大量海膽既滑溜creamy口感簡直係無得頂!

紫蘇葉海膽
$280
0 瀏覽
0 讚好
0 留言

我地忍唔住之後每人encore左一件,多謝位位$280再加一。食完覺得好邪惡。

大黑本菇配松露鹽
0 瀏覽
0 讚好
0 留言

大黑本菇配松露鹽

第五道天婦羅係大黑本菇,配左個松露鹽。大黑本菇有半大隻,松露鹽都幾特別下,真係有松露味。

津和井蟹湯葉卷
0 瀏覽
0 讚好
0 留言

津和井蟹湯葉卷

第六道天婦羅係津和井蟹湯葉卷,由服務員送上。呢道菜賣相唔錯,兩舊蟹肉卷用吉列脆皮包住,果然啖啖蟹肉,蟹味香濃。配菜有邊豆同紅椒天婦羅。個汁係忌廉汁,有蟹肉同洋蔥粒係入面,好滑不過都幾膩吓。

吞拿魚赤身刺身
1 瀏覽
1 讚好
0 留言

吞拿魚赤身刺身

食完幾道天婦羅,呢個時候真係好需要一d清新少少既菜式去清一清味蕾。師傅真係貼心,呢個時候安排刺身,由服務員送上。吞拿魚赤身刺身有兩塊,伴有芥末。一塊赤身燒過,加左昆布同蔥花。服務員建議食左未燒過嗰塊先。雖然味道上真係無特別,不過都欣賞師傅心思同埋將刺身用刀戒開多刀肯定唔會難咬。

鮫魚
0 瀏覽
0 讚好
0 留言

鮫魚

刺身之後就返到天婦羅。第七道天婦羅係鮫魚,由服務員送上。鮫魚兩件,伴有薑芽,灑上七味粉既蘿蔔蓉,同檸檬。服務員建議加埋蘿蔔蓉一齊食。鮫魚本身超嫩滑,最入面係未熟架,仲有少少生,魚味鮮甜!加埋蘿蔔蓉又真係好食d,味道質感多d層次。
鮫魚
$220
0 瀏覽
0 讚好
0 留言


我地之後encore左一客分享,價錢係$220,服務員話材料只剩最後一客,好彩。

小蘿蔔配三文魚籽
0 瀏覽
0 讚好
0 留言

小蘿蔔配三文魚籽

小蘿蔔配三文魚籽
0 瀏覽
0 讚好
0 留言

第八道天婦羅係小蘿蔔配三文魚籽,用左一套好精緻既日式碗仔裝住,由服務員送上。服務員建議用匙羹一齊食小蘿蔔同三文魚籽。小蘿蔔天婦羅唔係平時清爽脆口嗰啲,比較暖同實,個人就唔太鍾意。平時嗰啲三文魚籽死鹹,而呢個係完全唔鹹,不過個人覺得鮮味唔夠。整體而言,個人對呢道菜式有d失望。

帆立貝
0 瀏覽
0 讚好
0 留言

帆立貝

帆立貝
0 瀏覽
0 讚好
0 留言

第九道天婦羅係帆立貝,都係由服務員送上。帆立貝一大隻好厚身,中間係未熟透既,肉質好嫩。個湯好厚身,加左好多紫菜碎同白芝麻粒,未食先聞到好香紫菜味。服務員建議帆立貝可以同上面凍凍哋同酸酸哋既香菜一齊食,果然係多重口感同味道。個湯就偏鹹,同帆立貝一齊食就唔覺太鹹,但係唔可以清空個湯。

舞茸菇
0 瀏覽
0 讚好
0 留言

舞茸菇

第十道天婦羅係舞茸菇,終於由師傅奉上。舞茸菇大大件,師傅建議配蘿蔔蓉天婦羅汁。菇味好香,果然配蘿蔔蓉可以帶出個菇味,味道更好!

海鰻
0 瀏覽
0 讚好
0 留言

海鰻

第十一道天婦羅係海鰻。海鰻肉質好嫩,不過無驚喜。

漬物
0 瀏覽
0 讚好
0 留言

漬物

食左咁多香口嘢,個口真係好熱,呢個時候真係應該要食返d凍野。服務員送上漬物,包括白蘿蔔同青瓜各兩塊同紫心蘿蔔一塊。可惜個人覺得漬物味道太鹹,唔夠甜。

最後呢道天婦羅可以揀配飯或者素麵,我同同行友人一人一樣分享。

天婦羅配飯
0 瀏覽
0 讚好
0 留言

天婦羅配飯

天婦羅蝦餅明顯食到蝦,另外仲配蔬菜一齊炸,質素唔錯不過唔太驚喜。我鍾意個飯,飯粒飽滿,稔得黎唔會痴埋一齊,加埋甜甜哋嘅汁,好好食。份量係少食多滋味。個碗係超熱,幫助保溫。

0 瀏覽
0 讚好
0 留言


另一點我鍾意飯多啲係因為佢跟左個湯,味道似麵豉湯不過冇咁濃,入面勁多爽滑菇仔同有少少香草,好正!
素麵配柚子胡椒
0 瀏覽
0 讚好
0 留言


天婦羅配素麵

服務員會自動將天婦羅蝦餅同素麵分開上,等塊餅唔會被個湯浸稔。素麵超幼身,味道質感無特別,個湯帶微微既鰹魚味道。配左個柚子胡椒,不過個人覺得柚子胡椒味道太濃所以又辣又鹹,可能要加係個湯度攪拌好先食。
番薯天婦羅配牛奶雞蛋雪糕
0 瀏覽
0 讚好
0 留言

番薯天婦羅配牛奶雞蛋雪糕

最後呢道甜品真心驚喜。首先上枱時候係勁出煙(影唔切相),應該加左乾冰效果。然後原來連甜品都係天婦羅,係兩件番薯天婦羅,炸得皮脆肉厚,食落啖啖澱粉。牛奶雞蛋雪糕係自家製,賣相其實溶溶哋,不過原來呢種質感配番薯天婦羅係好好味道。一冷一熱,一脆一溶,絕配!上面仲加左少少紅色花瓣裝飾一下。

總括而言,呢個質素既天婦羅,除左以前既稻菊,我真係唔知香港邊度可以食到,當然我並唔係食天婦羅專家,大家請指教。雖然唔係每道菜式都有驚喜,但係整餐飯黎講我都覺得滿意。特別一提係服務方面,服務員同師傅真係好有心,令我地成餐飯都食得好開心,明顯餐廳真係對客人關懷備至,照顧周到。時間掌握方面係完美,準時2點放人。所以呢個$1480加一既套餐價錢我覺得以成餐飯作爲一個experience黎講係值得既,當然天婦羅唔可以成日食,太熱氣啦。大家想黎就記得3個月前訂位啦!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-09-29
用餐途徑
堂食
人均消費
$2055 (午餐)
推介美食
南瓜湯
紫蘇葉海膽
紫蘇葉海膽
紫蘇葉海膽
$ 280
津和井蟹湯葉卷
鮫魚
鮫魚
$ 220
帆立貝
帆立貝
舞茸菇
天婦羅配飯
番薯天婦羅配牛奶雞蛋雪糕