塩玉居酒屋 (已結業)

之所以選擇這間餐廳是因為見到很多好評完全無負面評價，餐牌的照片同菜式都同我地平時經常光顧的一家品牌居酒屋非常相似，以為是同一品牌旗下的分店才來試新鮮。點知。。。。。中符。。。。星期日夜晚來光顧，餐牌上點咩冇咩。(我地並不是點黑板上嘅飛機貨，而是普通餐牌！)似店長的點餐人員仲要話，想食就要星期五夜晚來啦，到左星期日好多野都賣曬。但係銅鑼灣食廈開門做生意，連如油甘魚嘅基本材料都無，真係讓人無言。。。。之後無奈簡單點左幾樣基本野試試。左口魚本來系我地以為安全之選，點知魚唔新鮮，灰灰嘅肉色，肉質系散嘅。壽司飯超級散又無味蝦亦唔新鮮有腥味。食物慘狀令人唔想影相。全餐廳得一個人可以點餸，果個人忙著隔離臺靚女傾解，唔得閒理我地，我地揾其他人來，仲要點左一樣野轉頭走左，話自己唔可以接單叫我地等多陣，服務超慢。吧台後面廚師無工作服，著住便服聽耳機切野。不知所謂嘅日本餐廳。完全無興趣加單更加唔會再幫襯。千萬唔好俾咁多好評呃左。用openrice咁耐，第一次花時間寫食評都係因為覺得呢間餐廳真系非常令人失望。