G Place

營業中

休息中

今晚特登揀間有情調嘅西餐廳，預備新年過節的心情。呢度係私房菜，不過是做西餐的，只接受預訂，也可包場搞活動，可容納30人。餐廳會事先同客人溝通好菜式， 盡量做到客人的心水，如果冇特別要求，佢哋都有餐單介紹，今晚我們食個新年菜單。見到這麼古典有格調的裝潢，真的要影相打卡了！廚師精選小食，每日不同，今晚是cold cuts配鮮蘑菇莎莎Cold cuts 微微咸味，加咗橄欖油，令口感更滑更香；煎蘑菇莎莎，上面配有一片玫瑰花瓣可以食埋，味道因為有醋，略帶微酸，有青瓜粒，又清新，好開胃。Cold Appetizer, 自家製糖鹽漬紅菜頭三文魚， 好特別。三文魚用紅菜頭的色素醃過，還加了糖和鹽，然後排成玫瑰花形狀，上面灑了芥末子，感覺真的像一朵玫瑰花。配上忌廉汁，食落味道像煙三文魚，微微鹹味，芥末籽令口感很清新呢！法國藍青口湯，是季節限定的，12月至2月才有，而且廚師用心製作，每隻青口都剝殼打蓉，才煮成湯，所以味道極鮮，香氣十分濃郁呢！海鮮卷粉配紫薯藜麥。海鮮卷粉裏面的材料有蝦和墨魚滑，因為海鮮本身吃它的鮮甜味道，所以廚師特地選了紫薯，以香味和微微甜味，去配襯海鮮，藜麥可以增加口感，而且健康又飽肚。