影片
更多
2015-12-10
6665 瀏覽
午膳搵食時間，阿妹之前睇雜誌睇中呢間「嚐中菜坊」，今日特登走過黎同我試下。餐廳外形似足西餐廳，非常western style，就連門口既知客都係洋妞，要同佢speak in English。入到餐廳，裝修一樣好洋氣，高枱、魚形吊燈，仲有bar corner添，難怪見到外籍人士黎光顧。午餐時分，有lunch menu，每位$88，唔收加一茶錢，呢個價錢響尖沙咀區算係好OK。我地兩個人，可以響「南北美點」、「精美小食」、「嚐品小菜」、「特式粉麵」中，每個項目點一款。等餸之際，留意到呢度既餐具好有特色，全部都係小朋友做緊運動，羽毛球、籃球、足球、游水、跑步……有少少中國風之餘，又不失西洋格調。先黎一碟「麻醬雞絲粉皮」，醬汁幾濃，有芝麻香，夾埋青瓜絲、雞胸肉、粉皮，夠爽口，味道唔錯。不過既然佢分開兩個小碟上，點解唔俾人揀夠兩款，試多D呢？今日靚湯係粉葛瘦肉湯，本來想撈D料出黎影相，不過sorry，無料到。粉葛切到好細粒，可能因為咁，個湯煲到好出味，夠晒濃，有媽咪靚湯feel。益菌木耳濃雞湯浸時蔬，一上枱，已經聞到好香雞湯味，但搵勻成碟，無三片木耳碎，菇既分量就唔少。白菜仔爽脆，菇味亦濃，合格。
餐廳外形似足西餐廳，非常western style，就連門口既知客都係洋妞，要同佢speak in English。入到餐廳，裝修一樣好洋氣，高枱、魚形吊燈，仲有bar corner添，難怪見到外籍人士黎光顧。
午餐時分，有lunch menu，每位$88，唔收加一茶錢，呢個價錢響尖沙咀區算係好OK。我地兩個人，可以響「南北美點」、「精美小食」、「嚐品小菜」、「特式粉麵」中，每個項目點一款。
等餸之際，留意到呢度既餐具好有特色，全部都係小朋友做緊運動，羽毛球、籃球、足球、游水、跑步……有少少中國風之餘，又不失西洋格調。
先黎一碟「麻醬雞絲粉皮」，醬汁幾濃，有芝麻香，夾埋青瓜絲、雞胸肉、粉皮，夠爽口，味道唔錯。不過既然佢分開兩個小碟上，點解唔俾人揀夠兩款，試多D呢？
今日靚湯係粉葛瘦肉湯，本來想撈D料出黎影相，不過sorry，無料到。粉葛切到好細粒，可能因為咁，個湯煲到好出味，夠晒濃，有媽咪靚湯feel。
益菌木耳濃雞湯浸時蔬，一上枱，已經聞到好香雞湯味，但搵勻成碟，無三片木耳碎，菇既分量就唔少。白菜仔爽脆，菇味亦濃，合格。
火鴨絲煨米粉，同平時響中式酒樓食開既色水唔同，顏色偏淡，不過食落係夠味既；火鴨絲好嚡，似食緊擦膠，而且呢碟野分量偏少，好彩阿妹細食，否則咁細碟主食，我會唔夠飽。
蝦餃就真係正勒，皮薄餡靚，一咬開，係爽口既新鮮蝦肉同筍絲，加少少豆瓣醬食，正呀！
最把鬼係呢個「西班牙欖角脆香骨」，個名咁長，係咩黎？其實就係Fusion炸豬扒，將豬扒沾上炸漿去炸，再加上黑醋同欖角，但呢塊豬扒真係又乾又嚡，個漿粉都好厚好硬，好難食，我食唔晒一件。
最後係糖水紅豆沙，甜度適中，足料，算係唔錯。總括黎講，呢間餐廳食物質素參差，但服務非常良好，而且夠靜局，想食下點心傾下計，都算係一個唔錯既選擇。
張貼
