無問題 (已結業)

今日專程入到黎西貢，去完離島玩之後，就去咗呢間明知相當特別嘅餐廳食晚飯。冇錯，呢間餐廳就係叫做「無問題」。呢度可以望到西貢碼頭，吹着海風咁樣食晚飯，真係喺西貢先有得咁寫意。呢度每一張枱都好有特色，好靚，我呢張枱係以太陽花做主題，好繽紛！我哋叫咗一個芝士薯條，所用到嘅芝士好濃味，幾乎每條雪條都可以沾滿芝士，好邪惡！吞拿魚生日式沙律飯。吞拿魚雖然冇日式餐廳食嘅刺身咁鮮味，但係同沙律醬、牛油果、溫泉蛋混合之後，味道都唔錯。呢個日式沙律魚生飯對比起elephant grounds嘅poke雖然係冇咁精彩，但係簡簡單單都有佢自己嘅特色。最後臨走嘅時候，仲比我發現咗佢出面嘅地板好靚，忍唔住影咗張相🤭間唔中入嚟西貢享受下海風，飲下啤酒，真係好relax ,我都幾鍾意呢個地方。