影片
更多
2019-12-17
116 瀏覽
男朋友呢晚神神秘秘，直到上車都仲未肯話我知去邊食飯，👦🏻話今年做足功課搵左間我一定鐘意既餐廳同我慶祝X’mas。最後車我入到西貢白沙灣！原來白沙灣碼頭海旁有間酒店The Pier，👦🏻呢晚就係帶我黎酒店入面既日本餐廳食Omakase🥰餐廳正正坐落於海邊，內裡裝潢以木為主，設計走日式簡約風，燈光柔和，感覺舒適，仲有吧檯座位可以邊食邊欣賞大廚手藝。店員親切，好有笑容，一入餐廳感覺已經好唔錯！一坐低，店員就倒左兩杯水俾我地，介紹全餐廳無論係飲用，食用都係用日本白神山既天然優質既泉水。✨前菜好驚喜前菜！師傅風趣笑住叫我地準備定相機，果然一打開木盒，就有煙霧效果！精緻既木盒入面有三款前菜，擺設得好有心思，好精美！望落就好似一幅日本畫咁。師傅建議由左至右，味道淡至濃咁去食。由最左邊開始：京都豆乳 - 用白神山水製成，上面既小紅莓醬同牛油果醬同豆乳味道好夾，口味清新，豆味香濃，入口即溶好滑溜。京都銀杏 - 銀杏經鹽焗，味道鹹鹹地，而且好食到銀杏既清香原味道。胡麻醬水雲 – 水雲好滑，底下既日本淮山爽口，撈埋胡麻醬一齊食，雙重口感，而且開胃。✨刺身擺盤造形精美有心思👍🏻北海道牡丹蝦 – 大隻，啖啖肉，
餐廳正正坐落於海邊，內裡裝潢以木為主，設計走日式簡約風，燈光柔和，感覺舒適，仲有吧檯座位可以邊食邊欣賞大廚手藝。
店員親切，好有笑容，一入餐廳感覺已經好唔錯！一坐低，店員就倒左兩杯水俾我地，介紹全餐廳無論係飲用，食用都係用日本白神山既天然優質既泉水。
✨前菜好驚喜前菜！師傅風趣笑住叫我地準備定相機，果然一打開木盒，就有煙霧效果！
精緻既木盒入面有三款前菜，擺設得好有心思，好精美！望落就好似一幅日本畫咁。
師傅建議由左至右，味道淡至濃咁去食。由最左邊開始：
京都豆乳 - 用白神山水製成，上面既小紅莓醬同牛油果醬同豆乳味道好夾，口味清新，豆味香濃，入口即溶好滑溜。
京都銀杏 - 銀杏經鹽焗，味道鹹鹹地，而且好食到銀杏既清香原味道。
胡麻醬水雲 – 水雲好滑，底下既日本淮山爽口，撈埋胡麻醬一齊食，雙重口感，而且開胃。
✨刺身擺盤造形精美有心思👍🏻
北海道牡丹蝦 – 大隻，啖啖肉，十分鮮甜。
深海池魚 – 厚切肥美刺身，入口油脂甘香，質感軟滑。
火炙金目鯛 – 火灸過後保持香氣，肉質結實彈牙，魚味濃郁。深海池魚 – 非常新鮮，肥美，油脂甘香。
✨鹽燒喜之次喜之次外型貌似大眼雞，實質有「海中紅寶石」美譽，係日本深海魚王，師傅更將喜之次固定好，造型栩栩如生，好生猛。
喜之次屬深海魚，肉質既水份同脂肪含量較多，加上師傅火候掌握得好，將喜之次燒得皮香肉嫩，第一下筷子篤落去已經有豐富既肉汁流出，外皮香脆，肉質細嫩無比。
✨北海道海膽鰻魚蒸蛋高級版茶碗蒸，香滑蒸蛋上面有上面有北海道海膽，內裡仲有鰻魚！蒸蛋超級滑溜，仲好有鰻魚既鮮味！海膽creamy，鮮甜，呢個係我暫時食過最好味既茶碗蒸🥰
✨北海道松葉蟹甲羅燒配多士蟹殼裝滿北海道松葉蟹肉/蟹籽，真係睇見都流口水。
蟹肉份量多， 味道鮮甜，仲有大量蟹籽，入口咸鮮脆卜卜，配埋多士，啖啖滋味！
✨培茶高湯八爪魚造型精美細緻，似一盤好有日本風格既盆景。
師傅為我地詳盡介紹呢款煮物，用上原條1kg重既新鮮北海道八爪魚鬚，先用白蘿蔔敲打八爪魚鬚，去破壞組織，再用焙茶高湯蒸三小時，所以八爪魚入味軟腍，一啲都唔韌。配菜方面仲有多款蔬菜，每款都好精緻，好fresh好健康。
✨柚子鰤魚手卷陣陣既柚子味清香，好fresh，鰤魚魚蓉香濃軟滑。
✨帆立貝壽司帆立貝好新鮮，清新鮮甜。
✨火炙金目鯛火炙過後，好香口，肉質結實爽口，入口甘香。
✨火炙左口魚貝壽司火炙過後魚油爆出，油脂甘香，肉質嫩滑。
✨麵豉湯壽司過後飲番碗熱辣辣既麵豉湯，暖一晤胃之後準備食甜品。
✨甜品賣相擺盤好靚😍好有冬日氣息，符合而家既天氣。
十勝紅豆羊羹 - 頂層有金箔做點綴，好靚！上層質感Q彈，而下層就明顯食到幼滑既紅豆蓉，味道清甜。
黃金焗蜂蜜忌廉番薯 – 就咁睇可能以為係普通焗蕃薯，但原來做法好有心思！師傅先將番薯起肉，再加蜂蜜忌廉打蓉，再釀番入番薯保持形狀，面層再掃上蛋黃，食落香甜不膩，又微微帶點蛋黃既咸香，質感幼滑，好高質。
張貼
