無問題 (已結業)

無問題復活節假期天氣咁好，同老公去西貢行下食下嘢～ 見到西貢碼頭開咗間新餐廳，個名好特別，叫「無問題」，西式菜式，全部侍應都係外國人，環境唔錯，好適合假日去飲杯野hea下，好chill😎 我地試咗「黃金脆金文拔芝士」、「無問題漢堡」、同「香菇意大利飯」～黃金脆金文拔芝士有六件，外脆內軟，裏面係軟綿綿芝士，外面炸得金黃酥脆，正👍🏻 可以配合金啤梨紅酒醬一齊食，酸酸甜甜，幾特別～無問題漢堡招牌之一，好多食客都order, 可選擇幾多成熟，我地揀五成，切開漢堡排仍然有肉汁，粉紅色的，味道好好，煙肉亦好香脆，麵包鬆軟口感好～ 薯片亦非常香脆，正～ 店員細心提供茄汁同沙律醬可以配合食用～香菇意大利飯份量唔算多，味道比較淡，不過更突出菇的香味，可以自行加鹽或胡椒，健康之選～鮮青檸梳打亦係健康之選，冇甜味的，只有青檸同梳打水，非常清新～ 假日去hea下，輕鬆下，好正👍🏻 非常推介😋