泰寶龍

營業中

休息中

誤打誤撞入左呢間泰菜館🇹🇭，竟然有驚喜！？趁住天氣涼涼地，去左行山⛰，行到西貢見肚仔餓就去搵野食，隨便揀左間泰國菜館就坐低左。我地簡單叫左4️⃣樣野試下，點知每碟黎到大大碟，好彩冇叫太多，否則一定食唔曬！酸辣鳳爪鳳爪都幾大隻，而且好爽口；自家調製嘅酸辣汁味道岩岩好，酸酸辣辣係一道好醒胃嘅小食前菜👍🏻！泰式串燒我地叫左豬🐷、牛🐮、雞🐔各一串，每串都唔錯，本身已經有基本醃過，燒完都保持肉質幾嫩滑，唔會燒得太熟而變柴。不過最驚喜都係佢地嘅沙爹汁，花生味🥜好香而且好惹味🤤泰式炒通菜通菜有揀過，太老嘅都全部摘左，所以食落都係脆嫩嘅口感。味道正常，冇咩大驚喜。蝦醬炒飯🦐蝦醬味道好香，每粒飯都沾左蝦醬嘅味道，好惹味，岩曬我地呢d鐘意重口味嘅人啦😋！原來泰國人都岩食臘腸架？！🤣泰國菜除左九龍城外，其實西貢都有好幾間值得一試嘅平、靚、正泰國菜。