串燒堂 (已結業)

今日去開西環揾朋友攞野， 時間未到就先揾野食， 經過堅尼地城荷蘭街， 有間新開食串燒嘅小店 - 串燒堂， 咁又有少少餓， 一於入去醫下肚。蒜蓉燒原條魷魚， 超大條魷魚就咁放喺眼前， 魷魚燒得好野味， 配上大量蒜蓉， 更加將香味提高， 魷魚燒得外脆內彈牙， 非常新鮮。蒜蓉燒大生蠔， 大大隻燒生蠔， 蠔肉肥美， 亦加上大量蒜蓉， 香得黎又唔會搶走生蠔鮮味。三重芝士撈丁， 勁多芝士， 啱哂我芝士控一族， 芝士香濃， 舖滿一丁表面， 麵身爽口， 正。朱古力綿花糖串， 食完串燒加個甜品真係爽yy。 綿花糖燒得卜卜脆， 好似bbq燒綿花糖咁。 配上朱古力醬， 更加好味。