Verde MAR (已結業)

Verde MAR📍西環西營盤水街41號地舖之前碌ig見到有人介紹呢間主打健康嘅牛油果專門餐廳，我已bookmark好，準備帶我位大愛牛油果嘅朋友去食。呢次係我哋第一次一齊食墨西哥菜，所以特登揀呢間地道正宗嘅墨西哥餐廳，喺咁有特色嘅裝飾下感受一下墨西哥嘅氛圍。 💰$159Super Nachos 🌮Nachos我好細個就聽過見過，以前喺中學上英文堂有親身整過食過，但喺餐廳度食嘅真係第一次。首先，無諗過個pan係咁熱，大家要小心唔好hi到；其次，就係唔好俾佢個份量呃到，雖然望落唔算好大份，但原來佢都幾飽肚。Toppings我哋揀咗homemade pork chorizo，當然上面唔少得有salsa啦，芝士蕃茄粒洋蔥粒呢啲都係必備，但最特別嘅就係佢加咗一pat鮮牛油果蓉，食落特別清新，同脆卜卜嘅tortilla一齊食，口感鮮明。 💰$169Burrito Supreme 🌯 我食過唔同種類嘅Burrito，但呢一款有飯包住喺入面嘅，真係聞所未聞！正正因為有飯、雞肉、牛油果等等嘅食材，所以呢個Burrito比一般嘅更要飽肚。雖然單價較貴，但非常抵食，口味亦唔會太重恰到好處，大家可以一試。