泰誇張

營業中

休息中

第1次去香港大學站覓食～同男朋友食完都覺得好有驚喜，環境復古，食物出色擺盤好有心思～✨椰子雞湯（$68）食唔到辣既我地都飲到！🥰濃椰汁味非常足料，加左香茅同青檸葉就更清香✨鹹蛋黃雞翼（$88）好夠鹹蛋黃味👍外脆內軟，炸粉唔會太厚，單骨雞翼方便進食，仲有青檸香✨炸鰂魚上蓋芒果沙律（$178）一上枱已經太誇張😆整條魚加木瓜沙律！鰂魚炸得金黃，配搭上清新嘅青芒果絲，酸辣甜食落口感清爽！✨泰式乾炒粉絲（$108）加多$20就有三隻大蝦🍤真係超級抵食！蝦肉非常新鮮彈牙、燒豬頸肉好惹味～整個粉絲調味偏重，食到有香茅、洋蔥、八角桂皮，黑椒味好重～