串燒堂 (已結業)

喺西環荷蘭街新開咗間串燒店串燒堂，佢哋嘅串燒種類繁多，而且價格親民，所以要嚟一試究竟。蒜蓉燒大大茄子 ：茄子燒得啱啱好，肉質保持軟腍多汁，皮肉容易就能分離，一絲絲嘅茄子肉入口即融，而喺茄子上面有滿滿嘅蒜蓉，蒜香味勁濃，令茄子變得更加惹味。麻辣小龍蝦：小龍蝦有兩款口味，有蒜香同埋麻辣，呢次揀咗麻辣，夠哂惹味，麻辣味夠濃烈，小龍蝦入哂味，而且小龍蝦嘅蝦肉夠哂彈牙。蒜蓉燒大生蠔：生蠔隻隻都大大隻，肉厚飽滿，夠哂肥美，蒜蓉配生蠔簡直係絕配，可以突出生蠔嘅鮮甜味。蒜蓉燒原條魷魚：原條魷魚拎去燒，加埋惹味嘅蒜蓉一齊燒，火候控制得宜，口感煙韌，仲有好濃嘅蒜香。